Mae Conwy yn y safle perffaith i fanteisio ar gyfleoedd economaidd rhanbarthol gweithgynhyrchu, ynni a digidol yng Ngogledd Cymru. Mae ein lleoliad canolog yn sicrhau y byddwn yn elwa ar fuddsoddiadau rhanbarthol, a Strategaeth Conwy yw datblygu ar y rhain ac ar yr hyn sydd gennym i’w gynnig ar hyn o bryd o ran ein sectorau twristiaeth a bwyd cadarn.
Mae strategaeth twf y Sir yn canolbwyntio ar gyflawni pum uchelgais:
- Creu’r lleoliadau busnes mwyaf modern i gefnogi twf a denu busnesau newydd
- Denu prif swyddfeydd / canolfannau rhyngwladol
- Sefydlu presenoldeb AU
- Datblygu economi gyda’r nos a chynnig twristiaeth y gaeaf
- Hwyluso'r morlyn llanw a phrosiectau ynni adnewyddadwy eraill
Mae cyflawni’r uchelgeisiau mawr hyn yn galw am gydweithio agos a buddsoddiad o'r sector preifat, y sector cyhoeddus a'r trydydd sector, ynghyd â gweledigaeth, dychymyg, uchelgais a ffyrdd newydd o weithio.
Mae gan Gonwy hanes blaenorol llwyddiannus o weithio mewn partneriaeth i gyflawni prosiectau mawr. Eisiau gwybod mwy?
E-bost: regen@conwy.gov.uk