Rydym yn defnyddio cwcis i wneud y safle hwn yn symlach. Drwy bori trwy ein tudalennau rydych yn derbyn ein defnydd o gwcis. Mae rhagor o wybodaeth ar ein tudalen preifatrwydd a chwcis.
Bydd gwaith cynnal a chadw hanfodol o 6pm ar 7/12/17 yn effeithio ar ein gwasanaethau rhyngrwyd, gan gynnwys gwefannau ac e-bost.

Apeliadau - Budd-dal Tai


Summary (optional)
Beth i’w wneud os ydych chi’n anghytuno â'n penderfyniad ynglŷn â’ch hawl i fudd-dal tai? 
start content

Os hoffech chi wybod mwy am y penderfyniad neu os ydych chi’n credu bod y penderfyniad yn anghywir, gallwch wneud cais am Ddatganiad o'r Rhesymau. Mae’n rhaid i chi wneud y cais hwn o fewn 1 mis calendr i ddyddiad y penderfyniad gwreiddiol. Gallwch naill ai anfon llythyr i'r Swyddfa Budd-daliadau (gweler y cyfeiriad isod), cyflwyno cais yn Swyddfa Ardal neu anfon e-bost.

Os hoffech chi ofyn i’r Swyddfa Budd-daliadau ailystyried y penderfyniad gwreiddiol, gallwch naill ai anfon llythyr i'r Swyddfa Budd-daliadau (gweler y cyfeiriad isod), cyflwyno cais i ni neu anfon e-bost. Fe ddylech chi wneud hyn o fewn  mis calendr i ddyddiad y penderfyniad gwreiddiol (neu i’r dyddiad a roddwyd i chi os ydych chi wedi gwneud cais am Ddatganiad o’r Rhesymau).Nodwch yn llawn eich rhesymau dros feddwl bod y penderfyniad yn anghywir. Bydd swyddog gwahanol i’r swyddog a wnaeth y penderfyniad gwreiddiol yn ailystyried eich hawl i fudd-dal tai, a byddwch yn derbyn gwybodaeth am y canlyniad yn ysgrifenedig.

Os ydych chi’n dal yn anfodlon â’r penderfyniad ar ôl iddo gael ei ailystyried, gallwch apelio drwy lenwi’r Ffurflen Apelio. Gallwch argraffu’r ffurflen oddi ar y wefan neu fe allwch chi ofyn i'r Swyddfa Budd-daliadau am gopi papur neu ewch i Swyddfa Ardal. Bydd yn rhaid i chi lenwi a dychwelyd y Ffurflen Apelio i’r Swyddfa Budd-daliadau (gweler y cyfeiriad isod) neu Swyddfa Ardal o fewn 1 mis calendr i ddyddiad y penderfyniad wedi’i ailystyried.

Rydych chi hefyd yn gallu cyflwyno apêl heb ofyn i’r Swyddfa Budd-daliadau ailystyried y penderfyniad. I wneud hyn bydd arnoch chi angen llenwi Ffurflen Apelio. Gallwch argraffu’r ffurflen oddi ar y wefan neu fe allwch chi ofyn i'r Swyddfa Budd-daliadau am gopi papur neu ewch i Swyddfa Ardal Bydd yn rhaid i chi lenwi a dychwelyd y Ffurflen Apelio i’r Swyddfa Budd-daliadau (gweler y cyfeiriad isod) neu Swyddfa Ardal o fewn 1 mis calendr i ddyddiad y penderfyniad.

Mae'r apeliadau yn cael eu hystyried gan Wasanaeth Llysoedd a Thribiwnlys Ei Mawrhydi, sy’n gwbl annibynnol o’r Awdurdod Lleol. Lawrlwythwch y daflen/ffurflen apelio am fwy o wybodaeth ynglŷn ag apelio.

Cyfeiriad y Swyddfa Budd-daliadau ar gyfer gohebiaeth ysgrifenedig:

Yr Adain Fudd-daliadau
PO Box 1
Conwy
LL30 9GN
end content

Dod o hyd i'ch ysgolion, ysbytai, gwasanaethau cyngor agosaf a mwy