Bydd gwaith cynnal a chadw hanfodol o 6pm ar 7/12/17 yn effeithio ar ein gwasanaethau rhyngrwyd, gan gynnwys gwefannau ac e-bost.

Plant a phobl ifanc


Summary (optional)
Nid oes neb yn rhy ifanc i fod yn aelod o'r llyfrgell.
start content

Mae gan lyfrgelloedd Conwy gasgliad dwyieithog o lyfrau a deunyddiau eraill ar gyfer plant a phobl ifanc.

Fel aelod o'r llyfrgell gallwch:

  • Defnyddio ein cyfrifiaduron a chael mynediad i'r rhyngrwyd am ddim
  • Cael mynediad at ddewis eang o lyfrau ac adnoddau i helpu gyda gwaith cartref a phrosiectau, gan gynnwys adnoddau ar-lein a gwefannau defnyddiol megis Britannica Online Encyclopaedia
  • cymryd rhan yn Sialens Ddarllen yr Haf yn ystod gwyliau’r haf

Sialens Ddarllen yr Haf

Mae Sialens Ddarllen Cenedlaethol yr Haf yn cael ei chynnal bob haf rhwng mis Gorffennaf a mis Medi ar gyfer plant 4-12 oed. Y sialens yw darllen chwe llyfr dros yr haf. Mae pob plentyn yn cael pecyn am ddim, ac ar ôl cwblhau'r her maent yn cael medal a thystysgrif.

Amser stori a rhigwm ar gyfer plant dan 5 oed

Dewch i'n sesiynau am ddim, llawn hwyl.

Cymraeg i Blant

Amser stori a rhigwm Cymraeg (yn ystod y tymor ysgol yn unig)

Cysylltwch ag: elin.jones@meithrin.cymruwww.meithrin.cymru/chwilio-am-gylch/

  • Llyfrgell Abergele, dydd Mercher 1.30 - 2.15pm
  • Llyfrgell Conwy, dydd Mercher 11.00 - 11.45am
  • Llyfrgell Llandudno, dydd Mawrth 10.15 - 11.15am
  • Llyfrgell Penmaenmawr, dydd Mawrth 1.30 - 3.00pm

Clonclyfrau - grŵp darllen i blant

Ydych chi'n hoffi darllen? Dewch draw i siarad am eich hoff lyfrau ac awduron a mwynhau gweithgareddau, gemau a phosau. Mae Clonclyfrau yn annog plant i ddarllen a rhannu eu barn a’u syniadau gyda’i gilydd. Mae croeso i rieni a does dim angen archebu lle, dim ond galw draw ac ymuno efo ni! Mae’r grwpiau hyn wedi eu hanelu at blant 8 i 12 oed. 

Llyfrgell Llandudno – Dydd Sadwrn cyntaf y mis o 1,30pm tan 2.30pm.  

Y Clwb Codio

Mae’r Clwb Codio yn rhwydwaith cenedlaethol o glybiau codio ar ôl ysgol am ddim o dan arweiniad gwirfoddolwyr, yn agored i blant 9-11 oed. Mae gan wefan y clwb gwricwlwm a thaflenni i alluogi gwirfoddolwr i gynnal cwrs o ddosbarthiadau yn addysgu plant i ysgrifennu cod gan ddefnyddio Scratch, Python, HTML a CSS. Mae archebu lle yn hanfodol trwy gysylltu â llyfrgell Conwy. I gael rhagor o wybodaeth ewch i - www.codeclub.org.uk

Cymorth gyda gwaith cartref

Mae aelodau o staff ar gael bob amser i'ch helpu i gael mynediad i adnoddau ar gyfer prosiectau a thasgau gwaith cartref. Gallwch hefyd gael help gyda gwaith cartref neu gael ffeithiau newydd gan ddefnyddio'r Britannica Online Encyclopaedia. Bydd angen i chi fod â’ch rhif cerdyn llyfrgell a PIN i gael mynediad iddo.

Sachau Stori

Gallwch fenthyg sachau Stori (mae sach yn cynnwys llyfrau stori, gemau a theganau) ar gyfer plant ifanc. Mae pob sach yn seiliedig ar lyfr lluniau, gyda phropiau a chymeriadau o'r stori i'w gwneud yn hwyl adrodd stori. Mae’r prif gasgliad yn cael ei chadw yn Llyfrgell Llandudno, ond gellir gofyn am sachau stori i'w benthyg o unrhyw un o'n llyfrgelloedd.

Bag ‘Bag Books’

Mae ‘Bag Books’ yn becynnau stori sy'n cynnwys eitemau amlsynhwyraidd i'w defnyddio gan oedolion â phlant sydd ag anableddau dysgu. Mae’r casgliad yn cael ei gadw yn Llyfrgell Llandudno, ond gellir gofyn am fenthyg sachau straeon o unrhyw un o'n llyfrgelloedd.

Helfa Lyfrau Dechrau Da  

Gall plant o dan 4 oed gael cerdyn casglwr Helfa Lyfrau am ddim a chasglu sticeri wrth iddynt fenthyg llyfrau. Ar ôl casglu pedwar sticer byddwch yn cael tystysgrif liwgar a gynlluniwyd gan ddarlunydd llyfrau i blant. Po fwyaf o lyfrau y byddwch yn eu benthyg y mwyaf o dystysgrifau a gewch!

Dechrau Da

Bydd babanod newydd anedig a'u rhieni yn derbyn pecyn Dechrau Da 0-12 mis am ddim gan eu hymwelydd iechyd. Bydd ail becyn ar gyfer plant bach yn cael ei roi pan fydd y plentyn yn 18-30 mis. Mae pob pecyn yn cynnwys 2 lyfr, cylchgrawn, a gwybodaeth am sut i ymuno â'r llyfrgell. Ysbrydolwch gariad at lyfrau a darllen gyda'ch plentyn, er mwyn rhoi dechrau da iddynt mewn bywyd! I gael rhagor o wybodaeth ewch i: http://www.bookstart.org.uk/

Llyfrau Llesol (Cymru)

Mae gennym amrywiaeth o lyfrau hunangymorth ar gael yn ein llyfrgelloedd i blant a phobl ifanc i'w helpu i ymdrin â materion emosiynol ac i roi arweiniad ychwanegol.  Mae gennym hefyd lyfrau i helpu i roi arweiniad i rieni a gwarcheidwaid. Mae'r llyfrau yn cynnwys pynciau fel:

  • profedigaeth
  • ysgariad
  • bwlio
  • hunanhyder isel
  • iselder
  • y glasoed
  • dicter

Rhestr o Lyfrau Llyfrau Llesol Cymru 

Prosiect Pob Plentyn yn Aelod Llyfrgell (ECALM)

Mae llyfrgelloedd ac ysgolion cynradd Conwy yn gweithio gyda'i gilydd i roi cerdyn llyfrgell i bob plentyn blwyddyn 4. Mae pob disgybl blwyddyn 4 yn cael y cyfle i ymweld a chael taith dywysedig o amgylch y llyfrgell gyda'u hysgol, cael cerdyn llyfrgell a bag llyfrau am ddim a benthyg 2 lyfr.

end content

Dod o hyd i'ch ysgolion, ysbytai, gwasanaethau cyngor agosaf a mwy