Bydd gwaith cynnal a chadw hanfodol o 6pm ar 7/12/17 yn effeithio ar ein gwasanaethau rhyngrwyd, gan gynnwys gwefannau ac e-bost.

Deddf Teithio Llesol (Cymru) 2013


Summary (optional)
Daeth Deddf Teithio Llesol (Cymru) 2013 yn gyfraith yng Nghymru ar 4 Tachwedd 2013, gan ei wneud yn ofyniad cyfreithiol i awdurdodau lleol yng Nghymru wella cyfleusterau a llwybrau ar gyfer cerddwyr a beicwyr (defnyddwyr di-fodur) yn barhaus mewn aneddiadau gyda phoblogaeth o 2,000 neu fwy o fewn ardal adeiledig.
start content

Mae'r Ddeddf yn ei gwneud yn ofynnol i awdurdodau lleol baratoi mapiau sy'n nodi llwybrau presennol a dyfodol a'r potensial ar gyfer eu defnydd yn ogystal â sicrhau bod cynlluniau ffyrdd newydd (gan gynnwys cynlluniau gwella ffyrdd) yn ystyried anghenion cerddwyr a beicwyr yn ystod y cam dylunio.

Daeth cyfnod ymgynghori cychwynnol CBS Conwy ar gynhyrchu mapiau llwybrau presennol i ben yn gynnar ym mis Ionawr 2016 gyda'r Awdurdod yn cyflwyno'r mapiau llwybrau a archwiliwyd i'w cymeradwyo gan Lywodraeth Cymru ar 22 Ionawr 2016.

Rhoddwyd cymeradwyaeth weinidogol i Gonwy ar 14 Awst 2016 mewn perthynas â mapiau llwybrau presennol:

Cynigir ymgynghoriad ar y map rhwydwaith integredig (INM) / llwybrau bwriedig newydd i gychwyn yn hwyr yn yr Hydref 2016. I gael rhagor o wybodaeth am lwybrau INM, cliciwch yma.

Diffiniad Llywodraeth Cymru o 'Deithio Llesol'

Mae Teithio Llesol yn golygu cerdded neu feicio fel dewis amgen i drafnidiaeth fodur (ceir, bysiau ac ati) at ddiben gwneud siwrneiau bob dydd. Mae'r term "cerddwr" yn cynnwys holl ddefnyddwyr heb fodur h.y. cadeiriau olwyn, cadeiriau olwyn trydan, sgwteri symudedd a chymhorthion symudedd eraill.

Mae Teithio Llesol yn 'daith a wneir i neu o weithle neu sefydliad addysgol neu i gael mynediad at wasanaethau neu gyfleusterau eraill'. Mae hyn yn cynnwys cymudo pellter byr, er enghraifft, teithio i'r ysgol, siopau, cyfleusterau hamdden ac ati. Mae'n rhaid i'r llwybr gysylltu â chyfleusterau a gwasanaethau a rhaid iddo fod yn addas ar gyfer cyfleustodau, siwrneiau bob dydd. Nid yw'n cwmpasu llwybrau neu rannau o lwybrau sy'n cael eu defnyddio at ddibenion hamdden.

I gael rhagor o wybodaeth am Deithio Llesol ewch i DTLl / ATW

Llwybrau Teithio Llesol yng Nghonwy

Dylai llwybrau teithio llesol presennol fod yn addas ar gyfer cerdded neu feicio (gan gynnwys defnydd gan ddefnyddwyr di-fodur eraill).

Mae aneddiadau sy'n bodloni gofynion 'Ardaloedd Teithio Llesol' gan Lywodraeth Cymru yng Nghonwy wedi'u nodi fel:

  • Abergele a Phensarn
  • Bae Colwyn
  • Conwy
  • Deganwy
  • Llandudno
  • Llanfairfechan
  • Llanrwst
  • Llansanffraid Glan Conwy
  • Llysfaen
  • Hen Golwyn
  • Penmaenmawr
  • Llandrillo-yn-Rhos
  • Tywyn a Bae Cinmel.

Ond, mae goblygiadau ehangach o ran yr Awdurdod yn ystyried anghenion cerddwyr a beicwyr wrth arfer nifer o swyddogaethau awdurdod priffyrdd, a gellir ymestyn hyn i unrhyw ddatblygiad newydd lle mae cyfleoedd ar gael i gynnwys gwelliannau i gyfleusterau ar gyfer dibenion cerdded a beicio.

Adborth / Cysylltu:

Os oes gennych unrhyw adborth ar unrhyw lwybrau sydd eisoes yn bodoli neu os hoffech gynnig llwybr / cyswllt newydd, cysylltwch â'r Swyddog canlynol:

Mr P Smith | 01492 575 529 | teithiollesol@conwy.gov.uk

Amserlen

Mae'r amserlen a roddwyd ar waith gan y Ddeddf Teithio Llesol fel a ganlyn:

  • 22 Ionawr 2016 Cyflwyno mapiau llwybr presennol (ERM) i Lywodraeth Cymru.
  • Rhoddwyd cymeradwyaeth weinidogol mewn perthynas â mapiau llwybr presennol i Gonwy ar 14 Awst 2016.
  • 24 Medi 2017 Cyflwyno map rhwydwaith integredig (INM) ac ailgyflwyno'r map llwybr presennol (ERM) i Lywodraeth Cymru.
  • 24 Medi 2020 Ailgyflwyno'r map rhwydwaith presennol (ERM) a'r map llwybr integredig (INM) i Lywodraeth Cymru.
end content

Dod o hyd i'ch ysgolion, ysbytai, gwasanaethau cyngor agosaf a mwy