Erlyn gyrrwr am yrru cerbyd dros ei bwysau

Erlyn gyrrwr am yrru cerbyd dros ei bwysau

Yn Llys Ynadon Llandudno heddiw (12/02/19) plediodd Mr Thomas Reeves o Faes y Llan, Towyn yn euog o yrru cerbyd dros ei uchafswm pwysau gros ac uchafswm pwysau’r echel ôl.

Dyfarnwyd cyfanswm dirwy o £1,000 i Mr Reeves, yn cynnwys gordal dioddefwr a chostau ymchwilio, a chafodd hefyd dri phwynt cosb.

Cafodd Mr Reeves ei stopio yn ystod ymgyrch ar y cyd rhwng Heddlu Gogledd Cymru, Safonau Masnach Sir Ddinbych a Safonau Masnach Conwy ar 3 Awst 2018 ar safle pont bwyso ar yr A525 rhwng Rhuddlan a Llanelwy.

Ni ddylai pwysau cerbyd fel yr un oedd Mr Reeves yn ei yrru fod dros 3500 kg ond roedd ei gerbyd yn pwyso 5000kg -  1500kg (42.85%) dros y pwysau uchaf.

Meddai Swyddog o Adran Safonau Masnach Conwy:

“Mae cerbydau wedi’u gorlwytho’n peryglu’r gyrrwr a defnyddwyr eraill y ffyrdd.  Mae cerbydau’n ymateb yn wahanol os ydynt yn cario mwy o bwysau na’r uchafswm y maent wedi’u dylunio ar eu cyfer a gall y canlyniadau fod yn angheuol.  Mae gorlwytho’n rhoi straen enfawr ar deiars cerbyd ac yn ei wneud yn llai sefydlog, yn fwy anodd i’w lywio a bydd yn cymryd mwy o amser i’w stopio.

"Mae gorlwytho cerbydau hefyd yn achosi difrod difrifol i ffyrdd a’r isadeiledd gan greu arwain at gostau trwsio a chynnal a chadw uwch i awdurdodau lleol a defnyddwyr eraill y ffyrdd.”