TGCh fel erfyn hanfodol ar gyfer dysgu.
Yn 1988 nid oedd cyfrifiaduron ar gael ym mhob dosbarth. Bellach mae gan bron bob ysgol fwy nag un cyfrifiadur ym mhob dosbarth, ystafelloedd cyfrifiaduron pwrpasol, mynediad at y rhyngrwyd trwy'r ysgol a byrddau gwyn rhyngweithiol mewn nifer o ddosbarthiadau. Mae eu defnydd yn arfer cyffredin ac yn nodweddion safonol yn y rhan fwyaf o ddosbarthiadau.
Mae E- Ddysgu, a ellir ei ddiffinio fel term a ddefnyddir ar gyfer addysg a gyflwynir trwy ddulliau electronig, hefyd yn arfer cyffredin. Enghreifftiau o'r dulliau hyn yw: CD-ROMs, dysgu yn seiliedig ar y we, dysgu yn seiliedig ar gyfrifiaduron, dosbarthiadau rhithwir a byrddau gwyn rhyngweithiol.
Mae Deddf AAA ac Anabledd (2001) yn nodi y dylid cael darpariaeth ar gyfer pobl sydd ag AAA ac anableddau, yn holistig. Mae hyn yn cynnwys defnyddio darpariaeth TGCh.
Mae deddfwriaeth AAA yn ystyried yr amgylchedd dysgu, arlwyo, llyfrgelloedd a darpariaeth gwasanaethau hamdden myfyrwyr. Felly rhaid i bob ysgol a sefydliadau addysgol eraill addasu eu hamgylchedd i ddarparu ar gyfer anghenion myfyrwyr sydd ag AAA ac dylid cynnwys adnoddau TGCh mewn campfeydd a llyfrgelloedd.
Mae'r ddeddf hefyd yn amlygu'r angen i bob myfyriwr sydd ag AAA i ddefnyddio TGCh. Mae TGCh yn faes pwnc allweddol ac yn nodwedd drawsgwricwlaidd o'r Cwricwlwm Cenedlaethol ac ar gyfer disgyblion sydd ag AAA dylid cael mynediad at:
- feddalwedd trwy ddyfeisiau megis switshis
- bysellfyrddau gwahanol
- gwarchodwyd bysellau
- arfau cyfathrebu.
Dylai disgyblion sydd ag anawsterau cyfathrebu a / neu lythrennedd neu anhawster synhwyraidd gael defnyddio dyfeisiau neu feddalwedd arbenigol sy'n darparu:
- testun mwy
- ymateb lleisiol neu gyfathrebu (clywedol)
- ymateb symbol neu lun (gweledol)
Mae rhain yn eu galluogi i ddeall ystyr yn yr un modd y mae plant nad oes ganddynt AAA yn gallu darllen testun. Ar gyfer rhai disgyblion mae defnyddio technoleg ychwanegol neu feddalwedd arbenigol yn hanfodol er mwyn iddynt ddilyn y cwricwlwm cyfan.
Mae gan bob cyfrifiadur opsiwn hygyrchedd ar gyfer disgyblion sy'n ei chael yn anodd defnyddio bysellfwrdd, monitor neu lygoden safonol. Fodd bynnag bydd ar eraill angen technegol amgen, cynorthwyol sy'n fwy arbenigol.
