Croeso i Wefan Partneriaeth Iechyd, Gofal Cymdeithasol a Lles Conwy. Mae'r wefan hon wedi cael ei llunio i roi gwybod i'r cyhoedd, defnyddwyr gwasanaeth, gofalwyr a staff yn y sectorau cyhoeddus, gwirfoddol a phreifat yng Nghonwy am y datblygiadau sy'n mynd rhagddynt i wella iechyd a lles cymunedau Conwy.
Mae'r bartneriaeth yn cynnwys cynrychiolwyr o grwpiau Defnyddwyr Gwasanaeth a Gofalwyr, Cyngor Bwrdeistref Sirol Conwy, Ymddiriedolaeth GIG Gogledd-orllewin Cymru, Ymddiriedolaeth GIG Conwy a Sir Ddinbych, Bwrdd Iechyd Lleol Conwy, Ymddiriedolaeth GIG Gwasanaethau Ambiwlans Cymru, Gwasanaeth Iechyd Cyhoeddus Cenedlaethol, Cynghorau Iechyd Cymunedol Conwy, Cyngor Gwasanaethau Gwirfoddol Conwy, y sector annibynnol (preifat), Heddlu Gogledd Cymru a Gwasanaeth Tân ac Achub Gogledd Cymru.
Ar lefel strategol/gynllunio mae Bwrdd Partneriaeth ac ar lefel weithredol mae Grwpiau Rheoli a Pholisi (MAPs).
Dim ond un maes yw Gofal Cymdeithasol a Lles lle sefydlwyd partneriaethau i wella gwasanaethau yng Nghonwy. Mae gan Gonwy Strategaeth Gymunedol sy'n dod â'r holl ddarparwyr gwasanaethau ynghyd (cyhoeddus, preifat a gwirfoddol) gydag aelodau o'r gymuned leol. Mae'r Strategaeth Gymunedol yn gwneud yn siŵr bod gwasanaethau yn diwallu anghenion y gymuned leol ac felly'n gweithio tuag at wella ansawdd bywyd yn lleol. Bydd y Bartneriaeth Iechyd, Gofal Cymdeithasol a Lles yn cynrychioli un elfen o waith y Strategaeth Gymunedol wrth geisio gwella lles economaidd, cymdeithasol ac amgylcheddol yr ardal a'i phobl.
Os hoffech gael rhagor o wybodaeth, neu os hoffech drafod Partneriaeth Iechyd, Gofal Cymdeithasol a Lles Conwy yn fwy manwl, cysylltwch â'r Tîm Iechyd a Lles ar hscwb@conwy.gov.uk neu ffoniwch 01492 574065.
