Logo Bwrdd Lleol Diogelu Plant
Mae Bwrdd Lleol Diogelu Plant Conwy yn fforwm amlasiantaeth ar gyfer cytuno ar sut ddylai gwasanaethau diogelu plant lleol gael eu cynllunio, eu darparu a'u monitro.
Daeth Bwrdd Lleol Diogelu Plant (LSCB) Conwy i rym 1 Hydref 2006 fel rhan o ofynion Deddf Plant 2004, ac mae'n disodli'r Pwyllgor Diogelu Plant Ardal a oedd mewn grym ers 1996. Yr LSCB yw'r corff statudol sy'n gyfrifol am ddiogelu plant a phobl ifanc rhag niwed arwyddocaol a hyrwyddo eu lles. Ym mis Mai 2008, unwyd Byrddau unigol Conwy a Sir Ddinbych i greu Bwrdd Lleol Diogelu Plant Conwy a Sir Ddinbych.
Mae gan Fyrddau Diogelu Plant ddwy brif swyddogaeth, sef, cydlynu holl waith asiantaethau i hyrwyddo diogelwch a lles plant, a sicrhau effeithiolrwydd y gwaith hwnnw.
Mae LSCB Conwy a Sir Ddinbych yn credu bod pawb yn gyfrifol am ddiogelu a hyrwyddo lles plant ac mae'n gweithio i gyflawni hyn drwy:
- arwain y gwaith o gydweithio â bob asiantaeth yn y gymuned
- datblygu a sefydlu polisïau a threfnau
- monitro ac archwilio gweithredu'r polisïau a threfnau hyn
- sicrhau bod hyfforddiant priodol ar gael
- hyrwyddo ymwybyddiaeth a chamau gweithredu yn y gymuned ehangach
- cynnal Adolygiadau Achos Difrifol pan fo plentyn yn marw neu pan fo'n cael ei frifo'n ddifrifol a lle amheuir camdriniaeth neu esgeulustra.
Mae gan bob asiantaeth ddyletswydd i gydymffurfio â Gweithdrefnau Diogelu Plant Cymru Gyfan a Diogelu Plant : Gweithio gyda'n gilydd dan arweiniad Deddf Plant 2004
Os ydych chi'n poeni am unrhyw blentyn ac yn meddwl eu bod yn dioddef o esgeulustra, camdriniaeth neu greulondeb, cysylltwch â:
Gwasanaethau Cymdeithasol Conwy
Yn ystod oriau swyddfa * ffoniwch 01492 575111
Tu allan i oriau swyddfa ffoniwch 01492 515777
*Oriau swyddfa 8.45am tan 5.15pm
Gwasanaethau Cymdeithasol Sir Ddinbych
Yn ystod oriau swyddfa * ffoniwch 01824 712 88
Tu allan i oriau swyddfa ffoniwch 0845 053 3116
* Oriau swyddfa 8.45am tan 5.15pm Llun - Iau, 8.30am tan 4.30pm Gwener.
Yr Heddlu ffoniwch 0845 607 1002
Os ydych chi angen cymorth yr Heddlu mewn ARGYFWNG, dylech ffonio 999 bob amser
NSPCC ffoniwch 0808 800 5000.
Nid oes rhaid i chi wybod popeth am y plentyn a'r hyn sy'n digwydd - os ydych yn bryderus, neu'n teimlo nad yw popeth yn iawn)
