Mae nifer o ffyrdd o leihau'r defnydd o ynni yn eich cartref fel bod eich biliau ynni yn rhatach. http://www.conwy.gov.uk/section.asp?cat=4834

Dylech gysylltu â'r Ganolfan Cynghori Effeithlonrwydd Ynni  Gogledd Cymru  i gael gwybodaeth am y grantiau sydd ar gael i breswylwyr i wella effeithlonrwydd ynni eu cartrefi.  Ffoniwch 0800 954 0658 o Ogledd Cymru  neu ewch i'r wefan: http://www.nweeac.org.uk/

Un o fygythiadau mwyaf y wasgfa gredyd yw y bydd trigolion yn cael eu gwneud yn ddigartref o ganlyniad i fethu talu’r morgais neu’r rhent. Mae ein ‘Tîm Dewisiadau a Chefnogaeth Tai’ yn cynnig cyngor rhad ac am ddim a chyfrinachol i chi.

Mae nifer o fudd-daliadau ar gael i bobl ar incwm isel, gan gynnwys Budd-dal Tai a Budd-dal Treth y Cyngor. Gwnewch yn siŵr eich body yn hawlio pob budd-dal y mae gennych hawl i’w cael.

Mae Tîm Cefnogi Busnes Cyngor Conwy a’i bartneriaid yn cynnig nifer o wasanaethau i helpu busnesau sy’n cael anawsterau oherwydd y cwymp economaidd presennol.

Mae’r staff yn gallu eich helpu i gysylltu ag adrannau’r Cyngor a llu o sefydliadau eraill. Gallwch ddefnyddio cyfrifiaduron yn rhad ac am ddim i ddiweddaru eich CV, creu cyfeiriad e-bost eich hunan, neu i wneud cais am swyddi ar-lein. Mae papurau newydd lleol a chenedlaethol ar gael i chi allu chwilio am swyddi a llety, neu gallwch fenthyg y llyfr sy’n gwerthu orau - am ddim.

Gallwn gynnig help gyda phrydau ysgol am ddim a grantiau dillad ysgol. Peidiwch anghofio am y Lwfans Cynhaliaeth Addysg sy’n gallu helpu pobl ifanc i barhau gyda’u haddysg ar ôl oed gadael ysgol.

Dyma’r enw ar delerau arbennig sy’n cael eu cynnig gan gwmnïau gwasanaethau i deuluoedd diamddiffyn sy’n cael anhawster talu am eu nwy neu drydan. Mae gan wahanol gwmnïau wahanol feini prawf, ond mae’r rhan fwyaf ohonynt yn ystyried tariff cymdeithasol ar gyfer pobl hŷn a’r bobl hynny ar incwm isel neu fudd-daliadau, a theuluoedd sy’n ‘dlawd o ran tanwydd’. I gael rhagor o wybodaeth, cysylltwch â’ch cwmni gwasanaethau neu ffoniwch Ganolfan Cynghori Effeithlonrwydd Ynni Gogledd Cymru ar 0800 954 0658.

Mae’r staff yn gallu cynnig dulliau i dalu eich bil. Os ydych chi’n cael anhawster talu, cysylltwch i roi gwybod iddyn nhw.

Mae Cyngor Bwrdeistref Sirol Conwy yn gallu cynnig cyngor ynglŷn â thalu eich bil a’r gostyngiadau posibl. Gallwch weld y manylion llawn ar dudalennau Trethi Annomestig Cenedlaethol ein gwefan neu ffoniwch 01492 576609 E-bost: nndr.enquiries@conwy.gov.uk

Os ydych yn gyfrifol am o leiaf un plentyn sydd fel arfer yn byw efo chi, efallai byddwch yn gymwys am gredyd Treth Plant. Os ydych yn gweithio ond ar gyflog isel, efallai byddwch yn gymwys am Gredyd Treth Gwaith. Ffoniwch y Llinell Gymorth Credyd Treth ar 0845 300 3900 neu ymwelwch y wefan (Saesneg yn unig).