Mae Canolbwynt Cyflogaeth Conwy’n siop bob peth i helpu pobl leol i ddod o hyd i waith gwerth chweil.
Mae ein tîm o fentoriaid a chynghorwyr yn cynnig cymorth wedi’i deilwra i unigolion, gan eu galluogi i symud ymlaen i waith, hyfforddiant addas neu i waith gwirfoddol.
Mae Canolbwynt Cyflogaeth Conwy wedi dynodi 2 Swyddog Ymgysylltu â Chyflogwyr, Clare Kingscott ac Alice Kirwan.
Mae Clare ac Alice yn gweithio’n agos gyda chyflogwyr ar draws yr holl sectorau yn Sir Conwy i helpu i lenwi swyddi gwag a chynnig cefnogaeth mewn meysydd eraill fel hyfforddiant a datblygu, gan gynnal ffeiriau swyddi yn rheolaidd a chynnig gwasanaeth paru swyddi pwrpasol.
Un nodwedd a gaiff ei datblygu yw’r Cynllun Gwarantu Cyfweliad sydd wedi ei gynllunio i helpu i hybu’r broses recriwtio ar gyfer cyflogwyr. Mae’r cynllun yn denu mwy o bobl sy’n chwilio am waith i raglen y Canolbwynt, ac felly yn ehangu’r gronfa o ymgeiswyr y gellir eu cyflwyno i reolwyr sy’n recriwtio.
Bydd yr holl ymgeiswyr yn cael eu sgrinio ymlaen llaw a dim ond yr ymgeiswyr mwyaf addas sy’n bodloni holl fanylion eich swydd fydd yn cael eu cyflwyno ar gyfer cyfweliad, gan arbed amser ac arian i chi a nawr yw eich cyfle i fanteisio ar y gwasanaeth ychwanegol hwn.
Os hoffech chi i Clare ac Alice ymweld â’ch busnes a’ch cyfarfod i drafod y dulliau y gall Canolbwynt Cyflogaeth Conwy gefnogi eich anghenion recriwtio, cysylltwch â ni.
Cysylltwch â ni
neu llenwch y ffurflen isod i ni eich ffonio chi:
