Mae Bodlondeb yn adeilad rhestredig Gradd II sydd wedi’i leoli rhwng mynyddoedd mawreddog a thywod euraidd Conwy, gyda golygfeydd godidog dros yr aber tuag at Landudno a Deganwy. Wedi’i leoli tu allan i furiau tref Conwy, safle treftadaeth y byd gyda Chastell o’r 13eg Ganrif, harbwr cywrain ac amryw o fwytai a gwestai gerllaw, mae'n lleoliad gwych i gynnal eich digwyddiad arbennig.
Mae gennym hanes cyfoethog, a gallwch chi fod yn rhan o hynny wrth ddewis treulio eich diwrnod arbennig gyda ni. O briodas, i seremoni sifil neu seremoni enwi, pen-blwydd priodas neu adnewyddu eich addunedau priodas.
Adeiladwyd y tŷ gwreiddiol ym 1877 ar gyfer Albert Wood, aelod o deulu gweithgynhyrchu llwyddiannus, a oedd yn boblogaidd gyda’r cyfoethog a’r enwog. Roedd yr ymwelwyr yn cynnwys Syr Edward Elgar a’r Prif Weinidog David Lloyd George, er bod rhaid i’r perchennog wrthod ymweliad y Frenhines Fictoria gan fod y tŷ yn rhy fach i letya ei chymdeithion.
Erbyn heddiw, cynhelir y seremonïau yn y cyntedd eang gyda nifer o nodweddion cywrain, gan gynnwys drysau gwydr lliw prydferth, lle tân carreg, grisiau pren wedi’i gerfio a galeri gyda ffenestri llusern hardd uwchben. Am ffordd o wneud eich mynediad!
Tu allan, mae’r gerddi godidog a’r parcdir amgylchynol yn creu cefndir syfrdanol i dynnu lluniau o'ch achlysur mawr.
Llyfryn Priodasau Bodlondeb
Ffôn: 01492 576525
Priodasau Bodlondeb,
Bodlondeb,
Bangor Road,
Conwy.
Sir Conwy, lle gwych am ddiwrnod hudol.