Os ydych chi’n berchen ar eiddo sydd wedi bod yn wag am 6 mis neu’n hirach, neu os ydych chi’n ystyried prynu eiddo sydd wedi bod yn wag am 6 mis neu’n hirach, fe allech chi fod yn gymwys am grant.
Byddwn yn ystyried grant o hyd at £20,000 fesul eiddo os yw angen gwelliannau neu addasiadau i sicrhau ei fod yn cyrraedd safonau cyfredol ar gyfer eiddo rhent.
Bydd y grant yn 70% o gost y gwaith a gytunwyd, a bydd y perchennog yn gyfrifol am y 30% arall o’r costau.
Pan fydd y gwaith wedi ei gwblhau, rhaid i chi wneud yr eiddo ar gael i'r Cyngor am 5 mlynedd. Yn ystod y cyfnod hwnnw, byddwn yn defnyddio’r eiddo i helpu i ailgartrefu pobl sydd wedi dod yn ddigartref heb unrhyw fai arnyn nhw.
Am ragor o wybodaeth, cysylltwch â'r Tîm Strategaeth Tai ar:
E-bost: taigwag@conwy.gov.uk
Ffôn: 01492 574235