Os ydych angen gwella eich eiddo, gallwch ymgeisio am fenthyciad di-log. Mae dau gynllun di-log ar gael – Benthyciad Gwella’r Cartref a Benthyciad Gwella Eiddo.
Benthyciad Gwella’r Cartref
Mae’r Benthyciad Gwella Cartrefi yn fenthyciad di-log ar gyfer perchnogion sy’n ddeiliaid, landlordiaid, elusennau a datblygwyr. Mae angen i’r gwaith sy’n cael ei gynnal wneud yr eiddo’n gynnes, yn saff a/neu'n ddiogel.
Isafswm y benthyciad yw £1,000, a’r uchafswm yw £35,000 yr uned. Mae’r holl fenthyciadau yn cael eu sicrhau fel arwystl cyntaf neu ail arwystl yn erbyn y tir ar y Gofrestrfa Tir.
Bydd ffi weinyddol o £500.
Mae rhagor o wybodaeth ar gael ar daflen y Cynllun isod, gan gynnwys y broses ymgeisio.
Ar hyn o bryd, dydyn ni ddim yn derbyn ceisiadau newydd ar gyfer y cynllun Benthyciadau Gwella Cartrefi. Os ydych am i ni gysylltu â chi pan fyddwn yn cychwyn derbyn ceisiadau, cysylltwch â ni:
Nodwch fod y benthyciad yn amodol, ac ni ellir sicrhau cynnig benthyciad hyd nes bydd yr ymgeisydd wedi derbyn cymeradwyaeth ffurfiol.
Taflen Wybodaeth Benthyciad Gwella Cartrefi (PDF)
Benthyciad Gwella Eiddo
Mae’r cynllun Benthyciad Gwella Eiddo (a ariennir gan Lywodraeth Cymru) yn darparu benthyciadau di-log i alluogi adnewyddu neu wella eiddo sydd wedi bod yn wag am 6 mis neu fwy, gan gynnwys eiddo amhreswyl gwag, yn llety newydd.
Am ragor o wybodaeth, cysylltwch â'r Tîm Strategaeth Tai