Cyfeirnod: CCBC-048512
Deddf Priffyrdd 1980 - Adran 118 Hysbysiad ynglŷn â gwneud Gorchymyn
Gorchymyn Bwrdeistref Sirol Conwy (Llwybr Cyhoeddus Rhif 7 Eglwysbach) (Dileu Llwybr Cyhoeddus) 2024
Bydd y Gorchymyn uchod a wnaed ar 25 Ionawr 2024 dan Adran 118 Deddf Priffyrdd 1980, yn dileu’r rhan honno o lwybr troed Rhif 7 Eglwysbach sy’n dechrau wrth gamfa uwchlaw hen chwarel yng nghyfeirnod grid SH 80871 70697 ac yn mynd i lawr ar ochr orllewinol y chwarel i gyfeiriad y de am oddeutu 110m, gan ddod i ben wrth y gyffordd â Ffordd Gyffylog yng nghyfeirnod grid SH 80932 70608.
Gellir gweld copi o’r Gorchymyn ar wefan y Cyngor ac yn Swyddfeydd y Cyngor, Coed Pella, Bae Colwyn, yn ystod oriau swyddfa arferol. Rhaid anfon unrhyw sylwadau neu wrthwynebiadau i'r Gorchymyn yn ysgrifenedig at cyfreithiol@conwy.gov.uk ddim hwyrach na 1 Mawrth 2024.
Os na dderbynnir unrhyw sylwadau neu wrthwynebiadau, neu os bydd rhai a wneir yn cael eu tynnu'n ôl, gall Cyngor Bwrdeistref Sirol Conwy gadarnhau’r Gorchymyn fel Gorchymyn diwrthwynebiad. Os caiff y Gorchymyn ei anfon at Weinidogion Cymru i'w gadarnhau, bydd unrhyw sylwadau neu wrthwynebiadau sydd heb gael eu tynnu'n ôl yn cael eu hanfon gyda'r Gorchymyn.
Dyddiedig: 31 Ionawr 2024
Ceri Williams
Rheolwr Gwasanaethau Cyfreithiol