Diwrnod gwych ar gyfer gwaith ieuenctid yng Nghymru

Diwrnod gwych ar gyfer gwaith ieuenctid yng Nghymru

Gweithwyr Ieuenctid Conwy’n mynychu cynhadledd genedlaethol llawn gwybodaeth

Ddydd Mercher 4 Mawrth 2026, roedd tîm Ieuenctid, Ymgysylltu a Pherthyn Conwy yn falch o gefnogi Cynhadledd a Gweithdy Cronfa Waddol Ieuenctid Prif Swyddogion y Sector Ieuenctid (Cymru) yng Nghanolfan Fusnes Conwy. Mae’r Gronfa Waddol Ieuenctid yn canolbwyntio ar atal trais.

Roedd y digwyddiad yn gyfle i weithwyr ar draws Cymru archwilio gweledigaeth a strategaeth y gronfa, gan dderbyn gwybodaeth ddefnyddiol am Becyn Gwaith Atal Trais y Gronfa Waddol Ieuenctid a sut mae’n gweithio. Roedd y rhai a oedd yn bresennol hefyd wedi derbyn sesiynau a gweithdai diddorol iawn dan arweiniad Caleb Jackson, Pennaeth y Sector Newid ar gyfer Ieuenctid, a Dr Laura Knight, Pennaeth y Pecyn Gwaith.

Yn y prynhawn, cynhaliodd Sangeet Bhullar, Cyfarwyddwr Gweithredol Wise Kids, weithdy gwych a oedd yn canolbwyntio ar ddatblygu adnoddau sy’n codi ymwybyddiaeth o eithafiaeth ar-lein mewn partneriaeth â gweithwyr y sector.

Diwrnod gwych o gydweithio, dysgu a chyd-ymrwymiad i wella canlyniadau pobl ifanc yng Nghymru, yn cynnwys gweledigaeth lle nad oes yr un plentyn yn profi trais.

Hafan | Cronfa Waddol Ieuenctid

Sefydlwyd y Gronfa Waddol Ieuenctid ym mis Mawrth 2019 gan elusen plant Impetus

Mae’r Pecyn Gwaith Atal Trais yn darparu trosolwg o’r wybodaeth a’r ymchwil presennol ar ddulliau o atal troseddau a thrais ieuenctid.