Arweinydd y Cyngor yn Penodi Cabinet

Arweinydd y Cyngor yn Penodi Cabinet

Etholwyd y Cynghorydd Sam Rowlands yn Arweinydd Cyngor Bwrdeistref Sirol Conwy ar 3 Mehefin 2019.

Heddiw mae wedi penodi’r cynghorwyr a ganlyn i’w Gabinet:

• Cyng. Julie Fallon - Addysg
• Cyng. Cheryl Carlisle – Gofal Cymdeithasol Plant a Theuluoedd
• Cyng. Charlie McCoubrey – Tai a Rheoleiddio
• Cyng. Louise Emery – Gofal Cymdeithasol Oedolion a Chymunedol
• Cyng. Goronwy Edwards - Datblygu Economaidd (Dirprwy Arweinydd)
• Cyng. Greg Robbins - Yr Amgylchedd a Chludiant
• Cyng. Mark Baker – Treftadaeth a Diwylliant
• Cyng. Chris Cater – Llywodraethu a Pherfformiad
• Cyng. Emma Leighton-Jones - Moderneiddio

Dywedodd y Cynghorydd Rowlands: “Mae hwn yn Gyngor da - mae gennym lu o aelodau etholedig gydag ystod o dalentau a sgiliau a thîm ymroddedig o swyddogion.

“Mae’r Cabinet newydd hwn yn glymblaid o Aelodau Ceidwadol ac Annibynnol. Wrth ddethol fy Nghabinet, rwyf wedi bod yn ymwybodol iawn o’r angen i ni brysuro ein cam, gweithio hyd yn oed yn galetach, a bod yn ddewr yn ein penderfyniadau dros y misoedd i ddod.”

Ychwanegodd: “Rwy’n bwriadu sicrhau bod y Cyngor hwn yn cyflawni’r hyn mae’n dweud ei fod yn dymuno’i wneud, a sicrhau mai ein trigolion a’u hanghenion sydd flaenaf yn yr hyn a ddarparwn.”