Prif Faes Parcio Bodlondeb, Conwy

Prif Faes Parcio Bodlondeb, Conwy

Cafodd swyddfeydd Bodlondeb a’r tiroedd ategol, gan gynnwys y prif faes parcio, eu prydlesu i Quidos Investments Limited ym mis Mai 2025.  Yn dilyn hynny, gofynnodd y perchnogion newydd i’r Cyngor ystyried rheoli’r prif faes parcio ar eu rhan ac ymestyn y ffioedd parcio i saith diwrnod yr wythnos. 

Er mwyn gwneud hyn, roedd angen Gorchymyn Rheoleiddio Traffig Oddi ar y Stryd a hysbysiad cyhoeddus, cyhoeddwyd Gorchymyn Cyngor Bwrdeistref Sirol Conwy (Mannau Parcio oddi ar y Stryd) 1997, Gorchymyn (Diwygio) (Rhif 2) 2015 - Maes Parcio Bodlondeb, Conwy, ym mis Tachwedd er mwyn gwahodd sylwadau gan y cyhoedd. 

Gallwn gadarnhau fod Quidos Investments Limited wedi penderfynu gwneud trefniadau eraill ers hynny.  Ni fydd Cyngor Bwrdeistref Sirol Conwy yn rheoli’r prif faes parcio, felly ni fydd y Gorchymyn diwygiedig uchod yn cael ei weithredu. 

Fodd bynnag, bydd Cyngor Bwrdeistref Sirol Conwy yn parhau i reoli’r maes parcio ger y cae criced, a fydd yn parhau i fod yn faes parcio talu ac arddangos ar benwythnosau a gwyliau banc.