Olly Murs yn cyhoeddi dyddiad yn Haf 2021 yng Ngogledd Cymru
Bydd Olly Murs yn perfformio yn Stadiwm Zipworld ym Mae Colwyn ar 13 Awst y flwyddyn nesaf fel rhan o daith gyda 25 dyddiad yn y DU (tocynnau ar werth am 9am ar 9 Hydref ar ticketmaster.co.uk ac ollymurs.com)
Bydd hwn yn newyddion a fydd yn rhoi gwên ar wyneb y wlad, heddiw mae Olly Murs wedi cyhoeddi manylion o’i daith haf nesaf, a bydd un yng Ngogledd Cymru lle bydd yn perfformio ei ganeuon mwyaf llwyddiannus, gan gynnwys caneuon o’r albwm platinwm triphlyg ‘Never Been Better’.
Dywedodd Olly: “I fy holl ddilynwyr yng Ngogledd Cymru, rwy’n gyffrous iawn yn cael dod i berfformio i chi yn y lleoliad hyfryd hwn. Wela’i chi gyd yno!”
Yn ddiweddar roedd Olly yn gapten i Loegr yn y gêm Soccer Aid, ac yn ceisio cadw ei goron fel y beirniad llwyddiannus yn y drydedd gyfres The Voice, sydd wedi ei ohirio ar hyn o bryd yn y rownd gynderfynol. Yn ystod y cyfnod clo, llwyddodd i drawsnewid ei gorff, gan weithio’n agos gyda Rob Solly, Hyfforddwr Personol a rhannu ei arferion ffitrwydd yn gyfan gwbl gyda Men’s Health. Yn ogystal mae’n gweithio ar gerddoriaeth newydd a fydd yn cael ei rannu y flwyddyn nesaf.
Mae’ perfformiad yn cael ei hyrwyddo gan Orchard Live, hyrwyddwr Cymraeg blaenllaw, a dywedodd Pablo Janczur, y Cyfarwyddwr: “Olly yw un o’r perfformwyr mwyaf llwyddiannus yn y DU. Perfformiodd yn y lleoliad hwn yn 2012, a bydd yn boblogaidd iawn pan fydd yn dychwelyd yr haf nesaf lle gawn gobeithio glywed cerddoriaeth gwych yn fyw.”
Mae Olly yn dechrau ar ei daith ar 5 Mehefin yn Abertawe, ac mae’n cynnwys dau ddyddiad yn Royal Chelsea Hospital yn Llundain ar 10 a 11 Mehefin.
Bydd y daith lawn ar y dyddiadau canlynol:
Mehefin 2021
- Dydd Sadwrn 5 ABERTAWE, Depot In The Park, Singleton Park
- Dydd Llun 7 BELFAST, Yn fyw yn Botanic Gardens
- Dydd Mawrth 8 CORK, Yn fyw At The Marquee
- Dydd Iau 10 LLUNDAIN, Royal Chelsea Hospital
- Dydd Gwener 11 LLUNDAIN, Royal Chelsea Hospital
- Dydd Sadwrn 26 TELFORD, QEII Arena
Gorffennaf 2021
- Dydd Gwener 2 CERNYW, Yn Fyw yn The Wyldes
- Dydd Sadwrn 3 KENT, The Hop Farm
- Dydd Iau 8fed CAERWYSG, Powderham Castle
- Dydd Sadwrn 10 SCARBOROUGH, Theatr Awyr Agored Scarborough
- Dydd Sul 11 LEEDS, Harewood House
- Dydd Mawrth 13 OLD MILTON, Chewton Glen
- Dydd Mercher 14 NORWICH, Blickling Estate
- Dydd Iau 15 BATH, Bath Royal Crescent
- Dydd Sadwrn 17 HAYDOCK, Haydock Park Racecourse
- Dydd Mawrth 20 WARWICK, Warwick Castle
- Dydd Mercher 21 CAERDYDD, Castell Caerdydd
- Dydd Gwener 23 CARLISLE, Bitts Park
- Dydd Sul 25 CAEREDIN, Castell Caeredin
- Dydd Iau 29 BEDFORD, Bedford Park
- Dydd Gwener 30 NEWMARKET, Newmarket Racecourse
Awst 2021
- Dydd Gwener 13 BAE COLWYN, Stadiwm Zipworld
- Dydd Sadwrn 14 NEWBURY, Newbury Racecourse
- Dydd Sadwrn 28 DARLINGTON, Mowden Park
- Dydd Sul 29 COLCHESTER, Colchester Castle Park