Gorchymyn Ardreth Annomestig (Diwygio Diffiniad Eiddo Domestig) (Cymru) 2022
Newidiwyd y gofynion gosod i eiddo hunanddarpar gael ei ddosbarthu fel eiddo annomestig ar 1 Ebrill 2023.
Mae gofyn i eiddo fod ar gael i’w osod am isafswm o 252 o ddiwrnodau mewn cyfnod o 12 mis ac mae gofyn iddo fod wedi’i osod am isafswm o 182 o ddiwrnodau.
Mae’r meini prawf hyn wedi cael eu defnyddio gan Asiantaeth y Swyddfa Brisio (ASB) wrth asesu eiddo ers 1 Ebrill 2023. Ewch i wefan Busnes Cymru am ragor o wybodaeth.
Sut mae eiddo hunanddarpar yn cael eu hasesu ar gyfer ardrethi busnes
Mae ASB yn gyfrifol am gynnal y rhestrau Treth y Cyngor a rhestrau Ardrethi Annomestig (Ardrethi Busnes). Rydym yn defnyddio'r rhestrau hyn i benderfynu a yw eiddo yn gymwys ar gyfer Treth Y Cyngor neu Ardrethi Busnes.
Y llywodraeth sy'n pennu'r meini prawf i weld os yw eiddo hunanddarpar yn gymwys ar gyfer Ardrethi Busnes. Mae ASB yn gwneud ei phenderfyniadau yn seiliedig ar y polisi hwn.
Mae polisïau eraill a all effeithio ar faint rydych chi’n ei dalu - er enghraifft, os yw'r eiddo yn ail gartref, efallai y byddwch chi'n talu premiwm (x y cant) ar ben y swm safonol.
Mae sawl ffordd y mae Asiantaeth y Swyddfa Brisio yn cynnal eiddo hunanddarpar ar restrau Treth y Cyngor ac Ardrethi Busnes:
- trwy ymateb i wybodaeth a ddarperir yn rhagweithiol gan gwsmeriaid - er enghraifft, pan fyddant yn gwybod eu bod wedi bodloni'r meini prawf gosod ar gyfer ardrethi busnes
- trwy ysgrifennu at berchnogion eiddo hunanddarpar, gan ofyn am wybodaeth gosodiadau (mae hyn ar hyn o bryd yn digwydd bob dwy flynedd ar gyfer pob eiddo ar y rhestr ardrethi busnes, ac weithiau cyfeirir ato fel gweithgaredd cydymffurfio).
- trwy geisiadau am wybodaeth bob tair blynedd, i hysbysu ailbrisiad o bob eiddo ardrethi busnes
Mae rhagor o wybodaeth am feini prawf cymhwysedd ar gyfer aros yn y rhestr Ardrethi Busnes a sut i ddweud wrth Asiantaeth y Swyddfa Brisio os a yw eich eiddo wedi bodloni'r meini prawf ar wefan GOV.UK.