Ynglŷn â Cheiswyr Noddfa
Mae Cyngor Bwrdeistref Sirol Conwy wedi ymrwymo i ddarparu cefnogaeth i bobl sy’n ceisio noddfa sydd wedi cael eu gorfodi i adael eu cartrefi yn sgil gwrthdaro, erlyniad, trais neu drychinebau dyngarol.
Mae’r Cyngor yn gweithio gydag ystod o bartneriaid cenedlaethol a lleol i helpu unigolion a theuluoedd i ymgartrefu’n ddiogel o fewn y gymuned. Gall pobl sy’n ceisio noddfa gyrraedd y DU trwy nifer o lwybrau gwahanol, gan gynnwys cynlluniau adleoli, adsefydlu ffoaduriaid a lloches trwy Lywodraethau’r DU a Chymru.
Mae’r Tîm Adsefydlu a Chynhwysiant Cymunedol yn helpu pobl i gael mynediad at wasanaethau, adeiladu annibyniaeth a dod yn aelodau actif o’u cymunedau lleol.
Pa Gefnogaeth a Ddarperir?
Mae’r Tîm Adsefydlu a Chynhwysiant Cymunedol yn gweithio ar y cyd gyda gwasanaethau statudol, sefydliadau gwirfoddol a grwpiau cymunedol i gydlynu cefnogaeth ar gyfer pobl sy’n cyrraedd Conwy.
Gallai’r gefnogaeth gynnwys:
- Helpu i gael mynediad at lety addas
- Cofrestru gyda darparwyr gofal iechyd
- Cefnogaeth ysgolion ac addysg
- Cyngor ar fudd-daliadau a lles
- Cyflogaeth, hyfforddiant a chyfleoedd gwirfoddoli
- Dysgu Saesneg (ESOL)
- Gweithgareddau integreiddio cymunedol
- Cyfeirio pobl at wasanaethau cymorth arbenigol
Y nod yw helpu unigolion a theuluoedd i ymgartrefu’n llwyddiannus, dod yn annibynnol a chyfrannu’n gadarnhaol i’w cymunedau.
Cefnogi Integreiddiad Cymunedol
Mae integreiddio yn broses ddwy ffordd sy’n elwa’r rhai sy’n cyrraedd a’r cymunedau presennol.
Mae nifer o geiswyr noddfa yn dod a sgiliau, cymwysterau, profiad ac amrywiaeth ddiwylliannol werthfawr i’r ardaloedd y maent yn ymgartrefu ynddynt. Trwy gyfranogiad cymunedol, gwirfoddoli, addysg a chyflogaeth, gall unigolion wneud cyfraniadau ystyrlon i fywyd lleol wrth feithrin cysylltiadau parhaol o fewn eu cymdogaethau.
Mae Conwy’n gweithio’n agos gyda sefydliadau lleol i hybu cynhwysiant, dealltwriaeth a chydlyniant cymunedol.
Dysgu Saesneg
Mae dysgu Saesneg yn un o’r camau pwysicaf i helpu pobl ymgartrefu a dod yn annibynnol.
Mae’r Tîm Adsefydlu a Chynhwysiant Cymunedol yn gweithio gyda darparwyr addysg lleol a sefydliadau partner i helpu pobl gael mynediad at gyrsiau Saesneg ar gyfer Siaradwyr Ieithoedd Eraill (ESOL). Mae’r cyrsiau hyn yn cefnogi cyfathrebu, cyfleoedd cyflogaeth a chyfranogiad mewn bywyd cymunedol.
Gellir dod o hyd i ragor o wybodaeth am gyrsiau ESOL yma: Saesneg ar gyfer Siaradwyr Ieithoedd Eraill (ESOL)
Buddion Cymunedol
Mae rhaglenni adsefydlu a noddfa yn helpu i gryfhau cymunedau trwy:
- Hybu dealltwriaeth ddiwylliannol
- Cefnogi cyfranogiad yn y gweithlu
- Annog gwirfoddoli cymunedol
- Helpu sefydliadau lleol i ddatblygu gwasanaethau cynhwysol
- Cyfoethogi bywyd cymunedol trwy amrywiaeth a phrofiadau a rennir
Mae Conwy’n falch o fod yn rhan o ymrwymiad Cymru i ddod yn Genedl Noddfa, lle gall bobl sydd wedi cael eu gorfodi i ffoi, ddod o hyd i ddiogelwch, cefnogaeth a chyfleoedd i ail-adeiladu eu bywydau.
Rhagor o wybodaeth
Gellir dod o hyd i wybodaeth ac adnoddau defnyddiol yma