Cafodd y cysyniad o ddinasoedd neu gymunedau sy'n gyfeillgar i oed ei ddatblygu gan Sefydliad Iechyd y Byd (WHO) yn rhan o fenter fyd-eang i adnabod y newidiadau sydd eu hangen er mwyn i ddinasoedd a chymunedau addasu i ac elwa o boblogaethau sy’n heneiddio.
Mae Conwy wedi ymrwymo i fod yn gymuned sy’n gyfeillgar i oed, ac rydym yn gweithio tuag at ennill y statws hwn.
Rhowch eich barn: Helpwch i Lunio Dyfodol Heneiddio'n Iach yn Sir Conwy
Pam bod eich cyfraniad yn bwysig:
Dim ond os ydym yn ymgorffori llais pawb y gellir creu Conwy sy’n Gyfeillgar i Oed. Bydd yr atebion a roddwch yn cael eu defnyddio gan
Gyngor Bwrdeistref Sirol Conwy (CBSC) i ffurfio ein hasesiad sylfaenol a byddant yn cael eu cyflwyno fel tystiolaeth i gefnogi cais Conwy i ddod yn Gymuned Gyfeillgar i Oed.
Llenwch yr arolwg ar-lein yma: https://online1.snapsurveys.com/kaqja
Llenwch gopi papur a'i ddychwelyd i unrhyw lyfrgell yn Sir Conwy neu ei bostio i:
Gwasanaeth Llyfrgell Conwy
Cyngor Bwrdeistref Sirol Conwy
Bwlch Post 1
Conwy
LL30 9GN
Beth yw cymunedau sy'n gyfeillgar i oed?
Mae cymuned sy’n gyfeillgar i oed yn creu amgylchedd sydd yn galluogi pobl o bob oed i heneiddio’n dda drwy ddarparu cyfleoedd i fod yn iach, heini a chymryd rhan mewn gweithgareddau cymunedol. Maen nhw’n arbennig o bwysig i alluogi pobl hŷn i deimlo eu bod yn cael eu gwerthfawrogi a’u parchu ac i:
- fynd allan o gwmpas
- gwneud y pethau maen nhw eisiau eu gwneud
- derbyn y wybodaeth ddiweddaraf
- byw bywydau iach ac egnïol
- cael llais
Mae’r 8 Maes Cysylltiedig o Fywyd Trefol yn darlunio’r meysydd ffocws y bydd y cais yn canolbwyntio arnynt, gan roi dangosyddion clir i ni o’n cynnydd a’n potensial.
8 Maes Cydgysylltiedig Bywyd Trefol
- Cyfranogiad dinesig a chyflogaeth
- Parch a chynhwysiant cymdeithasol
- Adeliadau a mannau yn yr awyr agored
- Cyfranogiad cymdeithasol
- Tai
- Cludiant
- Cymorth cymunedol a gwasanaethau iechyd
- Cyfathrebu a gwybodaeth
Mae Comisiynydd Pobl Hŷn Cymru wedi ymrwymo i gefnogi creu cymunedau sy'n gyfeillgar i oed ar draws Cymru. Drwy weithredu ei strategaeth Cymru o Blaid Pobl Hŷn, mae Llywodraeth Cymru yn annog awdurdodau lleol yng Nghymru i weithio gyda’r Comisiynydd i fod yn gyfeillgar i oed. Mae’r broses o ddod yn gyfeillgar i oed yn cynnwys unigolion, grwpiau lleol, gwasanaethau a busnesau sy’n dod at ei gilydd i wneud newid cadarnhaol i alluogi pobl i heneiddio’n dda.
Bydd y dudalen hon yn cael ei diweddaru wrth i ni weithio tuag at ennill statws cyfeillgar i oed.
Dolenni defnyddiol a darllen pellach
Age Friendly Communities in Practice Logo