Nid oes unrhyw le i hiliaeth yn ein cymuned ni. Mae’n achosi niwed mawr i unigolion, teuluoedd a chymdeithas yn ehangach. Rydyn ni’n ymroi i feithrin amgylchedd lle mae pawb yn teimlo’n ddiogel a’u bod yn cael eu parchu a’u gwerthfawrogi.
Gweld – Diogelu – Atal
Gweld: Rhowch wybod am unrhyw achosion sy’n digwydd yn neu o amgylch ein safleoedd i aelod o staff.
Diogelu: Mae diogelwch yn flaenoriaeth – sicrhewch eich bod yn diogelu eich hunain a phobl eraill.
Atal: Rydyn ni’n ymroi i greu mannau cynhwysol a diogel lle nad oes croeso i hiliaeth. Helpwch ni i fod yn rhan o’r ateb.
Nid ydym yn derbyn:
- Jôcs sarhaus, difrïo enw da na sylwadau sy’n gwahaniaethu yn erbyn rhywun
- Ymddygiad bygythiol, ymosodol na threisgar
- Iaith na symbolau casineb, na gweithredoedd o anoddefgarwch
Gallai’r canlyniadau am ymddygiad annerbyniol gynnwys:
- Gofyn ichi adael safle’r Cyngor
- Galw’r heddlu, os oes angen
Gyda’n gilydd, gallwn greu cymuned sydd wedi’i gwreiddio mewn urddas, cydraddoldeb a pharch i’r naill a’r llall.
Os ydych wedi dioddef neu weld unrhyw hiliaeth, dwedwch wrth rywun. Mae’n bwysig rhoi gwybod amdano a gofyn am gymorth.
A yw’n argyfwng? Ffoniwch 999 ar unwaith mewn argyfyngau fel hyn:
- Lle mae perygl uniongyrchol i fywyd
- Os oes rhywun yn dreisgar neu’n bygwth trais
- Pan mae trosedd yn digwydd ar y pryd a’r troseddwr yn dal yno
(gwybodaeth o Sut i riportio troseddau casineb | Heddlu Gogledd Cymru)
Dyma ffyrdd eraill o roi gwybod am achosion a chael cymorth:
Os ydych chi’n gweithio i Gonwy, gofynnwch am gymorth a defnyddiwch y prosesau mewnol i roi gwybod. Darllenwch y Polisi yn Erbyn Aflonyddu yn y Gweithle am fwy o wybodaeth.