Bydd etholiad nesaf y Senedd yn cael ei gynnal ddydd Iau 7 Mai, 2026. Yn yr etholiad nesaf, bydd newidiadau i nifer aelodau'r Senedd, yr etholaethau, a sut mae aelodau'r Senedd yn cael eu hethol:
- 96 o Aelodau: O'r etholiad ym mis Mai 2026, bydd gan y Senedd 96 o Aelodau yn hytrach na 60.
- System bleidleisio newydd: Bydd gan bawb sy’n 16+ un bleidlais nawr, gan ddewis plaid wleidyddol neu ymgeisydd annibynnol.
- Etholaethau newydd: Bydd gan Gymru 16 o etholaethau. Bydd pob etholaeth yn ethol chwe Aelod.
- Rheolau newydd: Rhaid i unrhyw un sy'n sefyll ar gyfer etholiad fyw yng Nghymru.
Gallwch ddysgu mwy ar wefan y Senedd neu ewch i bwrwpleidlais.cymru. I ddarganfod ble mae eich gorsaf bleidleisio, ewch i - Dod o hyd i'ch gorsaf bleidleisio | Ble Ydw i'n Pleidleisio?.
Yr etholaethau sy'n cwmpasu Bwrdeistref Sirol Conwy yw Bangor Conwy Môn a Clwyd. Gallwch ddod o hyd i'ch etholaeth newydd drwy nodi'ch cod post yma.
Cyngor Bwrdeistref Sirol Conwy sydd yn gweinyddu etholiad etholaeth Bangor Conwy Môn, a Chyngor Sir y Fflint sydd yn gweinyddu etholiad etholaeth Clwyd.
Hysbysiadau
Dyddiadau pwysig
- Dyddiad cau i gofrestru i bleidleisio: 20 Ebrill 2026
- Dyddiad cau gwneud cais am bleidlais bost: 5pm ar 21 Ebrill 2026
- Dyddiad cau gwneud cais am bleidlais drwy ddirprwy: 5pm ar 28 Ebrill 2026
- Dyddiad y bleidlais: 7 Mai 2026, rhwng 7am a 10pm
- Cyfrif y pleidleisiau: 8 Mai 2026
Pwy sy'n cael pleidleisio
I bleidleisio yn etholiad y Senedd mae'n rhaid i chi fod:
- wedi cofrestru i bleidleisio
- yn 16 oed neu'n hŷn ar ddiwrnod y bleidlais
- yn ddinesydd Prydeinig, dinesydd cymwys o’r Gymanwlad, dinesydd o’r Undeb Ewropeaidd, neu’n ddinesydd tramor cymwys
- yn preswylio yng Nghymru, a
- heb unrhyw rwystr cyfreithiol i bleidleisio
Gwybodaeth i ymgeiswyr ac asiantiaid
Pleidleisio yn bersonol mewn Gorsaf Bleidleisio
Mae gorsafoedd pleidleisio yn agored o 7am tan 10pm ar ddiwrnod y bleidlais, 7 Mai 2026.
Cyn i chi fynd i bleidleisio, gwiriwch lle mae eich gorsaf bleidleisio. Efallai nad yw’r un agosaf at eich cartref, ac efallai ei bod wedi newid ers y tro diwethaf i chi bleidleisio.
Dim ond yn yr orsaf bleidleisio a bennwyd ar eich cyfer y gellwch bleidleisio yn bersonol.
Bydd cyfeiriad eich gorsaf bleidleisio ar eich cerdyn pleidleisio. Byddwn yn anfon y cerdyn drwy’r post ychydig wythnosau cyn diwrnod y bleidlais.
Er gwybodaeth yn unig mae’r cerdyn pleidleisio, felly peidiwch â phoeni os ydych yn ei golli neu’n ei anghofio. Gellwch bleidleisio hebddo, os yw eich enw ar y gofrestr etholiadol.
Ni fydd yn rhaid i chi ddangos prawf adnabod â llun er mwyn pleidleisio mewn gorsaf bleidleisio yn yr etholiad ar 7 Mai 2026.
Dod o hyd i’ch gorsaf bleidleisio: Dod o hyd i dy orsaf bleidleisio | Lle Ydw i’n Pleidleisio?
Pleidleisio Hygyrch
Ein nod yw gwneud pob gorsaf bleidleisio yn hygyrch i bleidleiswyr ag anabledd, er enghraifft:
- rydym yn darparu rampiau lle bo’r angen
- mae’r Swyddog Llywyddu ar gael i’ch helpu
- bwth pleidleisio wedi ei addasu ar gyfer pobl sy’n defnyddio cadeiriau olwyn
- gall ffrind neu berthynas fod gyda chi os oes angen cymorth arnoch
- mae yna gadeiriau ar gyfer pobl na allant sefyll am gyfnodau hirion.
Yn ogystal, gall staff yr orsaf bleidleisio ddarparu cymhorthion i helpu pleidleiswyr sy’n ddall neu’n rannol ddall:
Os oes angen cefnogaeth arnoch ar ddiwrnod yr etholiad, gofynnwch i staff yr orsaf bleidleisio, a fydd yn fwy na pharod i helpu.