Mae Senedd Cymru’n cynrychioli holl bobl Cymru. Ar hyn o bryd mae 60 o Aelodau etholedig y Senedd (AoS).
Mae gan Gonwy ddau AoS, un ar gyfer etholaeth Aberconwy ac un ar gyfer etholaeth Gorllewin Clwyd, ochr yn ochr â phedwar AoS rhanbarthol sy'n cynrychioli ardal Gogledd Cymru gyfan. Dod o hyd i'ch AoS ar wefan y Senedd.
Mae Aelodau o’r Senedd yn rhannu eu hamser rhwng gwaith yn y Senedd yng Nghaerdydd a gwaith lleol yn yr ardal maent yn ei chynrychioli.
Bydd etholiad nesaf y Senedd yn cael ei gynnal ddydd Iau 7 Mai, 2026. Yn yr etholiad nesaf, bydd newidiadau i nifer aelodau'r Senedd, yr etholaethau, a sut mae aelodau'r Senedd yn cael eu hethol:
- 96 o Aelodau: O'r etholiad ym mis Mai 2026, bydd gan y Senedd 96 o Aelodau yn hytrach na 60.
- System bleidleisio newydd: Bydd gan bawb sy’n 16+ un bleidlais nawr, gan ddewis plaid wleidyddol neu ymgeisydd annibynnol.
- Etholaethau newydd: Bydd gan Gymru 16 o etholaethau. Bydd pob etholaeth yn ethol chwe Aelod.
- Rheolau newydd: Rhaid i unrhyw un sy'n sefyll ar gyfer etholiad fyw yng Nghymru.
Gallwch ddysgu mwy ar wefan y Senedd.
Yr etholaethau sy'n cwmpasu Bwrdeistref Sirol Conwy fydd Bangor Conwy Môn a Clwyd. Gallwch ddod o hyd i'ch etholaeth newydd drwy nodi'ch cod post yma.
Cyngor Bwrdeistref Sirol Conwy sydd yn gweinyddu etholiad etholaeth Bangor Conwy Môn, a Chyngor Sir y Fflint sydd yn gweinyddu etholiad etholaeth Clwyd.
Etholaeth Bangor Conwy Môn
Dyddiadau pwysig
- Dyddiad cau i gofrestru i bleidleisio: 20 Ebrill 2026
- Dyddiad cau gwneud cais am bleidlais bost: 5pm ar 21 Ebrill 2026
- Dyddiad cau gwneud cais am bleidlais drwy ddirprwy: 5pm ar 28 Ebrill 2026
- Dyddiad y bleidlais: 7 Mai 2026, rhwng 7am a 10pm
- Cyfrif y pleidleisiau: 8 Mai 2026
Pwy sy'n cael pleidleisio
I bleidleisio yn etholiad y Senedd mae'n rhaid i chi fod:
- wedi cofrestru i bleidleisio
- yn 16 oed neu'n hŷn ar ddiwrnod y bleidlais
- yn ddinesydd Prydeinig, dinesydd cymwys o’r Gymanwlad, dinesydd o’r Undeb Ewropeaidd, neu’n ddinesydd tramor cymwys
- yn preswylio yng Nghymru, a
- heb unrhyw rwystr cyfreithiol i bleidleisio
Enwebiadau
- Mae enwebiadau i sefyll fel ymgeisydd ar gyfer etholaethau Bangor Conwy Môn a Clwyd yn cau am 4pm ar 9 Ebrill 2026.
- Byddwn yn cyhoeddi rhestr o ymgeiswyr ar gyfer etholaeth Bangor Conwy Môn ar wefan Conwy ar ôl y dyddiad cau.
- Nodwch: Cyhoeddir rhestr yr ymgeiswyr ar gyfer etholaeth Clwyd ar wefan Cyngor Sir y Fflint.
Gwybodaeth i ymgeiswyr ac asiantiaid