Mae cymorth ariannol ar gael i helpu i sicrhau bod modd ailddefnyddio cartrefi gwag.
Cynllun Benthyciad Troi Tai'n Gartrefi
Mae’r cynllun Benthyciad Troi Tai'n Gartrefi (a ariennir gan Lywodraeth Cymru) yn darparu benthyciadau di-log i alluogi adnewyddu neu wella cartrefi gwag, neu drawsnewid eiddo amhreswyl gwag yn lety preswyl.
Troi Mannau Gwag yn Lleoedd i Fyw
Cynllun Grant ‘Troi Mannau Gwag yn Lleoedd i Fyw’ Mae grantiau hyd at £25,000 (fesul uned) ar gael i eiddo gwag yng Nghanol Trefi Bae Colwyn, Llandudno neu Abergele/Pensarn. Gellir defnyddio'r Grant ar gyfer adnewyddu eiddo preswyl presennol, neu ar gyfer eiddo masnachol/mannau gwag y gellir eu troi'n llety preswyl (yn amodol ar y caniatâd cynllunio angenrheidiol).
Mae’n rhaid i eiddo fod wedi bod yn wag am 6 mis neu fwy ac mae’n rhaid i'r perchennog gyfrannu at o leiaf 30% o gost y gwaith ei hun. Ar ôl cwblhau’r gwaith, mae’n rhaid prydlesu'r llety i'r Awdurdod Lleol am o leiaf 5 mlynedd, ac yn ystod y cyfnod hwnnw bydd yn cael ei ddefnyddio i ddarparu llety i aelwydydd digartref. Bydd rhent yn cael ei dalu yn ystod y cyfnod hwn ar gyfradd y Lwfans Tai Lleol ar gyfer maint yr eiddo – Gweler Cynllun Prydlesu Sector Preifat Conwy.
Bydd y Grant yn cael ei gyflwyno drwy bridiant cyntaf neu ail bridiant gan y Gofrestrfa Tir (yn amodol ar gymhareb 'benthyciad a gwerth' o 80% ar y mwyaf) a'i ddileu ar ôl bodloni'r amodau am 5 mlynedd. Bydd angen i unrhyw Fenthyciwr gydsynio i'r Pridiant a'r Cytundeb Prydles arfaethedig. Ni fydd dim i'w ad-dalu os cedwir at y telerau ac amodau yn ystod y cyfnod ond bydd yn rhaid ad-dalu’r Grant yn llawn os na fydd yr amodau’n cael eu bodloni. Pan fydd y pum mlynedd wedi dod i ben, ni chyfyngir ar y math o denantiaeth na lefel y rhent, ond gellir dal ati â’r gwasanaethau rheoli os gwneir cais am hynny.
Gyfradd TAW gostyngedig ar waith adnewyddu
Os ydych chi’n adnewyddu eiddo heb ei feddiannu, efallai y byddai’n bosib elwa o gyfradd TAW gostyngedig ar waith adnewyddu.
Er mwyn cael eich ystyried, mae'n rhaid i'r eiddo fod wedi bod yn wag ers 2 flynedd o leiaf, ac yn uniongyrchol cyn dechrau'r gwaith adnewyddu.
Mae canllawiau CThEM yn nodi bod llythyr gan yr Awdurdod Lleol yn cadarnhau bod yr eiddo wedi bod yn wag am y cyfnod cymhwyso yn gwbl dderbyniol. Dylech siarad â’ch contractwr am hyn gan y bydd angen iddynt godi’r TAW cywir arnoch.
I gael wybodaeth am y cynlluniau, cysylltwch â ni drwy e-bost at taigwag@conwy.gov.uk, ffoniwch 01492 574235, neu llenwch ein ffurflen ymholiadau ar-lein.
Nesaf: Cynllun Prydlesu Cymru