Dyddiadau
- Dydd Llun 1 Mehefin, 2pm tan 3pm
- Dydd Mawrth 9 Mehefin, 11am tan 12pm
- Sesiwn ychwanegol: dyddiad i’w gadarnhau
Manylion y cwrs
- Lleoliad: Microsoft Teams
Mae’r sesiwn ymwybyddiaeth hon yn rhoi cyflwyniad i eiriolaeth o fewn gwasanaethau plant, gyda ffocws ar y ddyletswydd statudol i sicrhau bod plant a phobl ifanc yn cael eu cefnogi i leisio eu barn. Bydd y sesiwn yn archwilio rôl eiriolaeth o fewn gofal cymdeithasol ac yn tynnu sylw at bwysigrwydd hyrwyddo mynediad at wasanaethau eiriolaeth.
Bydd cyfranogwyr yn cael dealltwriaeth o’r gwahanol fathau o eiriolaeth sydd ar gael, y broses atgyfeirio, a’r gwasanaethau a ddarperir gan Tros Gynnal Plant (TGP) Cymru. Bydd y sesiwn hefyd yn pwysleisio’r “cynnig gweithredol” a chyfrifoldeb gweithwyr proffesiynol i sicrhau bod eiriolaeth yn cael ei hystyried a’i chynnig yn briodol.
Mae’r cwrs hwn wedi’i gynllunio i godi ymwybyddiaeth o eiriolaeth, helpu gweithwyr proffesiynol i adnabod pryd mae angen eiriolaeth, ac i sicrhau bod plant a phobl ifanc yn cael eu cefnogi i gymryd rhan mewn penderfyniadau sy’n effeithio arnynt.
Am wybodaeth bellach, neu os ydych wedi archebu lle ar y cwrs a heb dderbyn hysbysiad i fynd ar y cwrs cysylltwch â’r Tîm Gweinyddol Datblygu’r Gweithlu a Dysgu. Peidiwch â mynd ar unrhyw gwrs oni bai eich bod wedi derbyn hysbysiad yn cadarnhau bod lle i chi oherwydd mae’n bosibl y bydd y digwyddiad yn llawn.