Newid terfyn cyflymder 15 o ffyrdd yn ôl i 30mya yng Nghonwy
Terfyn Cyflymder 30mya
Ar 17 Awst, bydd terfynau cyflymder o 30mya yn dod i rym yn y lleoliadau canlynol yn Sir Conwy:
- Ffordd Colwyn, Craigside
- Ffordd Glan y Mor, Bae Penrhyn
- Ffordd Llandudno, ger Coleg Llandrillo
- Ffordd Conwy, Llanrhos
- Bryn Lupus Road, Llanrhos
- Ffordd Bwlch Sychnant, Conwy
- Ffordd Llanrwst, Gyffin
- B5279 Tal-y-Cafn i Ffordd Tyn-y-Groes
- Ffordd Gwydyr, Dolgarrog
- Ffordd Abergele, Hen Golwyn
- Ffordd Llanrwst, Bae Colwyn i Bryn y Maen
- B5106 Caerhun i Ffordd Llanrwst, Ty’n y Groes
- Rhodfa Llanelwy, Bae Cinmel
- Marine Drive, Llanrillo -yn-Rhos
- Rotary Way, Bae Colwyn
Daeth y terfyn cyflymder diofyn o 20mya i rym yng Nghymru yn 2023, a bu i’r Cyngor eithrio 21 o rannau o ffyrdd, gan gadw terfyn cyflymder y rhain ar 30mya.
Gwahoddodd Llywodraeth Cymru bobl ar draws Cymru i gysylltu â’u Cyngor lleol i roi adborth ar y newidiadau hyn yn 2024. Cafodd Cyngor Bwrdeistref Sirol Conwy 702 o sylwadau unigol yn ymwneud â 149 o rannau o ffyrdd.
O’r rhannau o ffyrdd y cyfeiriwyd atynt yn yr adborth hwn, lluniodd y Cyngor restr blaenoriaeth o ffyrdd A a B gan ddefnyddio’r Meini Prawf Lle a nodir yng nghanllawiau Llywodraeth Cymru.
Gwahoddwyd pobl sy’n byw neu’n gweithio yn y lleoliadau hyn i roi eu barn am y newid i’r terfyn cyflymder.
Mae’r rhestr o rannau o ffyrdd a fydd yn newid yn ôl i 30mya bellach wedi’i chwblhau.
Meddai’r Cynghorydd Michael Priestley, Aelod Cabinet yr Amgylchedd, Ffyrdd ac Isadeiledd, “Bu i ni geisio barn y gymuned, ac rydym ni wedi gwrando! Rydw i’n falch iawn bod y rhestr o ffyrdd a fydd yn newid yn ôl i 30mya bellach wedi’i chwblhau, gan roi ystyriaeth i ddymuniadau trigolion a busnesau lleol.”
Bydd copïau o’r Gorchymyn Rheoleiddio Traffig i’w gweld yn ein swyddfeydd yng Nghoed Pella neu ar lein yn Amryw Ffyrdd - Terfyn Cyflymder 30mya - Cyngor Bwrdeistref Sirol Conwy
Wedi ei bostio ar 14/08/2026