Cerflun olaf wedi'i osod ar gyfer Llwybr Alys Llandudno

Cerflun olaf wedi'i osod ar gyfer Llwybr Alys Llandudno

Final Alice Statue

Mae cerflun olaf wedi’i osod ar gyfer Llwybr Alys Llandudno, sy’n cwblhau'r gwaith adnewyddu i ddathlu etifeddiaeth Anturiaethau Alys yng Ngwlad Hud Lewis Carroll.

Cafodd Cyngor Bwrdeistref Sirol Conwy gyllid drwy Gronfa Ffyniant Gyffredin Llywodraeth y DU i adnewyddu a thrwsio cerfluniau poblogaidd Alys yng Ngwlad Hud ac ail-lansiwyd y llwybr yn swyddogol ym mis Mawrth 2025.

Fodd bynnag, mae’r cerflun olaf hwn wedi’i gyfrannu gan y contractwyr sy’n gwneud y gwaith gosod – RELM Construction.

Mae gan Lwybr Alys le arbennig yng nghalonnau tîm RELM, gan fod Kai, nai a ŵyr annwyl, wrth ei fodd â’r llwybr. I gofio amdano, mae RELM wedi cyfrannu cerflun “Down the Rabbit Hole” sydd yn y Fach.

Yn drist, y mis diwethaf, cyn i’r cerflun olaf hwn allu cael ei gwblhau a’i osod, bu farw Edward Roberts, taid Kai a rheolwr prosiect yn RELM. Bydd cerflun “Down the Rabbit Hole” yn gofeb i Kai ac Edward.

Dyma oedd gan y Cynghorydd Nigel Smith, Aelod Cabinet Economi Gynaliadwy, i’w ddweud: “Rydyn ni’n falch iawn o groesawu ymwelwyr yn ôl i Lwybr Alys. Mae’r llwybr yn dathlu hud campwaith Lewis Carroll ac mae hefyd yn cynnwys cofeb arbennig iawn bellach, ac mae’n dod â phobl a’n cymuned at ei gilydd mewn ffordd arbennig iawn. Hoffem ddiolch i RELM am eu cyfraniad arbennig iawn i’r llwybr ac am eu holl waith caled trwy gydol y prosiect.”

Mae taflen a map newydd ar gyfer Llwybr Alys i dywys ymwelwyr ar hyd y llwybr ar gael i’w prynu o Ganolfan Groeso Llandudno yng Nghanolfan Siopa Fictoria.