Rhoi wyneb newydd ar ffordd: B5106 Trefriw i Goed Gwydyr, Trefriw

Rhoi wyneb newydd ar ffordd: B5106 Trefriw i Goed Gwydyr, Trefriw

Rhoi wyneb newydd ar ffordd

Gwaith yn dechrau: Dydd Iau 5ed o Dachwedd 2026

Gwaith yn dod i ben: Dydd Gwener 20fed o Dachwedd 2026

Beth sy’n digwydd?

Rydym yn rhoi wyneb newydd ar y B5106 o’r gyffordd â Wood Bank (Ffordd Top) i’r Hen Long.

Bydd ein contractwr yn gweithio o 7am i 5pm. Byddwn angen cau rhan o’r ffordd i gwblhau’r gwaith. Dilynwch yr arwyddion ar gyfer gwyriadau.

A fydd hyn yn effeithio ar barcio?

Bydd – ni fydd modd parcio ar rai rhannau o’r ffordd tra byddwn yn gwneud y gwaith.

Bydd mynediad i gerddwyr drwy gydol y cyfnod.

A fydd yn effeithio ar lwybr bysiau?

Bydd – bydd bysiau ysgol yn rhedeg yn ôl yr arfer ac yn cael eu tywys drwy’r gwaith, bydd yn rhaid i fysiau eraill ddefnyddio’r A470,  gan stopio ym Melin Wlân Trefriw a Dolgarrog.

Beth yw rhoi wyneb newydd?

Cam 1 – tynnu’r wyneb presennol (plaenio yw’r enw ar hyn)

Cam 2 – addasu neu ailosod y gwaith haearn, tyllau caead a gylïau draeniau

Cam 3 – glanhau’r wyneb ag ysgubwr mecanyddol

Cam 4 – gosod haen fondio, i sicrhau bod y wyneb newydd yn glynu

Cam 5 – gosod yr wyneb newydd

Cam 6 – cywasgu a lefelu’r wyneb newydd drwy ddefnyddio rholeri

Cam 7 – ailbeintio'r marciau ffordd

Mae rhoi wyneb newydd ar ffordd yn broses swnllyd a llychlyd, ac ymddiheurwn am unrhyw anghyfleustra y gallai hyn ei achosi.  Bydd yr wyneb newydd ar y ffordd yn arwain at daith fwy llyfn a thawel ar y ffordd a bydd manteision hirhoedlog i’r gymuned.

Cwestiynau?

Os bydd arnoch angen rhagor o wybodaeth, cysylltwch â Thîm Cynghori Adran yr Amgylchedd, Ffyrdd a Chyfleusterau ar affch@conwy.gov.uk neu ffoniwch 01492 575337.

Diolch i chi am eich amynedd wrth i’n contractwr wneud y gwaith yma.