Tyllu'r Croen

Er mwyn cynnig y triniaethau canlynol yng Nghonwy, mae'n rhaid i'r person a’r adeiladau gael eu cofrestru gyda Thîm Diogelu'r Cyhoedd:

• aciwbigo     
• tatŵio
• tyllu cosmetig gan gynnwys tyllu clustiau
• electrolysis
• lliwio croen lled barhaol

Mae cofrestru yn cael ei lywodraethu gan Ddeddf Llywodraeth Leol (Darpariaethau Amrywiol) 1982.

Sut i wneud cais

• Gallwch wneud cais am drwydded neu wneud cais i newid trwydded ar wefan Gov.UK.

Ffioedd

• Y gost i gofrestru'r busnes ar gyfer gweithgareddau tyllu croen yn £120.
• Y gost ar gyfer pob person unigol yw £60.
• Mae trwyddedau, unwaith a gyhoeddwyd, yn cael eu hadnewyddu am ddim bob 2 flynedd, a thystysgrif newydd yn cael ei chyhoeddi.     

Cymhwyster

• Nid oes unrhyw bwerau i wrthod cofrestriad, ond mae’r arfer yn cael ei reoli drwy gydymffurfio â deddfwriaeth berthnasol, ac mewn rhai achosion, is-ddeddfau lleol. Bydd angen i chi hefyd roi manylion unrhyw euogfarnau blaenorol.
• Bydd angen i ymgeisydd ystyried a oes angen caniatâd cynllunio ar gyfer y gweithgaredd arfaethedig. Dylent gysylltu â'r adran gynllunio i drafod a fydd angen caniatâd.

Dogfennau Ategol

Dylai'r dogfennau canlynol hefyd gael eu cyflwyno gyda'ch cais:

• Tystysgrifau hyfforddiant
• Yswiriant Atebolrwydd Cyhoeddus
• Ffurflen Ganiatâd
• Taflen Cyngor Ar ôl Gofal

Prosesu ac Amserlenni

• Bydd archwiliad yn cael ei wneud gan swyddog awdurdod lleol o fewn 28 diwrnod o dderbyn y cais. Os nad ydych wedi clywed gennym o fewn y graddfeydd amser hyn, llenwch ein ffurflen ymholiad ar-lein.  
• Nid yw caniatâd dealledig yn berthnasol felly mae'n rhaid i'ch cais gael ei brosesu gan yr awdurdod cyn y gellir ei ganiatáu.

Mae'n anghyfreithlon cynnal tyllu cosmetig, tatŵio, lliwio croen, aciwbigo neu electrolysis, oni bai bod y cofrestriad wedi'i gymeradwyo'n ffurfiol.

Deddfwriaeth ac Amodau

• Rhaid i ymgeiswyr ac adeiladau busnes fodloni gofynion Deddf Llywodraeth Leol (Darpariaethau Amrywiol)  1982 ac is-ddeddfau sydd ynghlwm.

• Is-ddeddfau CBSC ar gyfer rheoli aciwbigo, tatŵio, lliwio croen yn lled barhaol, tyllu cosmetig ac electrolysis (PDF)

Rhoi gwybod am broblem

• Os oes gennych unrhyw gwynion neu ymholiadau ynghylch gweithgareddau tyllu'r croen, cysylltwch â ni at diogelwchbwyd-iechydadiogelwch@conwy.gov.uk

Canllaw pellach:

• CIEH Tattooing and body piercing guidance: Toolkit