Mae prosesau diwydiannol yn cael eu rheoleiddio gan yr awdurdod lle mae ganddynt y potensial i ryddhau llygryddion aer sylweddol i'r amgylchedd lleol.
Mae'r prosesau y mae Cyngor Bwrdeistref Sirol Conwy yn eu rheoleiddio ar hyn o bryd yn amrywio o chwareli a ffatrïoedd prosesu mwynau, peiriannau hylosgi mwy gan gynnwys llosgwyr olew mewn ffatrïoedd gorchuddio cerrig (macadam), amlosgfeydd i systemau rheoli anwedd mewn gorsafoedd petrol.
Mae'r math o allyriadau llygryddion yn amrywio'n sylweddol o broses i broses ond yn bennaf yn cynnwys:
- Llwch a gronynnau mân
- Cynhyrchion llosgi neu doddyddion
Rhaid i brosesau diwydiannol penodol wneud cais am drwydded a'i chael er mwyn gweithredu. Gelwir y rhain yn brosesau penodedig. Bwriad rheoli'r allyriadau o'r prosesau hyn yw sicrhau lefel dderbyniol o ansawdd aer ar lefel leol, ond mae hefyd yn cyfrannu at gyfrifoldeb cyffredinol ar draws y DU i gydymffurfio â deddfwriaeth Ewropeaidd, er enghraifft drwy reoli rhyddhau Cyfansoddion Organig Anweddol (VOC) sy'n cyfrannu at lygredd aer byd-eang.
Cysylltu â ni
I gael rhagor o wybodaeth am brosesau, trwyddedau neu i wneud cais, ffoniwch: 01492 575911