Os ydych chi’n adnewyddu eiddo heb ei feddiannu, efallai y byddai’n bosib elwa o gyfradd TAW gostyngedig ar waith adnewyddu.
Er mwyn cael eich ystyried, mae'n rhaid i'r eiddo fod wedi bod yn wag ers 2 flynedd o leiaf, ac yn uniongyrchol cyn dechrau'r gwaith adnewyddu.
Mae canllawiau CThEM yn nodi bod llythyr gan yr Awdurdod Lleol yn cadarnhau bod yr eiddo wedi bod yn wag am y cyfnod cymhwyso yn gwbl dderbyniol. Ceir rhagor o wybodaeth yma: Adeiladau ac Adeiladu (TAW Hysbysiad 708) - GOV.UK (www.gov.uk). Dylech siarad â’ch contractwr am hyn gan y bydd angen iddynt godi’r TAW cywir arnoch.
Os hoffech drafod y cyfnod amser y mae eich eiddo wedi bod yn wag, cysylltwch â ni:
Ffon: 01492 574235 / 01492 574633
E-bost: taigwag@conwy.gov.uk
Noder na allwn ddweud wrthych beth sy’n gymwys na chadarnhau bod cyfradd TAW gostyngedig yn berthnasol i’ch eiddo. CThEM sy’n penderfynu ar y materion hyn.