Ceisiadau Ar Agor ar gyfer Rhaglen Lleoliadau Gwaith â Thâl

Ceisiadau Ar Agor ar gyfer Rhaglen Lleoliadau Gwaith â Thâl

Lleoliadau Gwaith â Thâl

Mae’n bleser gan Gyngor Bwrdeistref Sirol Conwy gyhoeddi fod ceisiadau bellach ar agor ar gyfer ei Raglen Lleoliadau Gwaith â Thâl, sy’n cynnig cyfleoedd gwerthfawr i bobl ifanc ennill profiad mewn llywodraeth leol.

Wedi’i hariannu gan Lywodraeth y DU drwy’r Gronfa Ffyniant Gyffredin, mae’r rhaglen yn darparu lleoliadau 16 wythnos a 25 awr yr wythnos ar y Cyflog Byw Cenedlaethol.  Lluniwyd y lleoliadau hyn i gefnogi unigolion sy’n gadael yr ysgol, coleg a’r brifysgol i ddatblygu’r sgiliau, hyder a’r profiad sydd eu hangen arnynt i gymryd eu camau cyntaf i’r byd cyflogaeth.

Meddai’r Cyng. Chris Cater, Aelod Cabinet Archwilio, Polisi a Pherfformiad: “Mae’r lleoliadau hyn yn ddelfrydol ar gyfer pobl sy’n awyddus i agor y drws i gyflogaeth. P’un a ydych yn chwilio am brofiad i ehangu eich CV neu’n awyddus i gael blas ar swydd cyn ymrwymo i lwybr gyrfaol, mae’r rhaglen hon yn gyfle gwych.”

Bydd cyfranogwyr yn elwa o:

• Profiad rhagweithiol - gweithio ar dasgau a phrosiectau go iawn.
• Mentor - dysgu gan weithwyr proffesiynol llywodraeth leol.
• Datblygu sgiliau i gefnogi ceisiadau am swyddi yn y dyfodol

Mae’r cyfleoedd eleni’n cynnwys:

• Gweithiwr Cychod dan Hyfforddiant
• Swyddog Cefnogi
• Cynorthwyydd Gweithrediadau Hamdden
• Swyddog TG Cynorthwyol Dan Hyfforddiant
• Cefnogi Datblygu Economaidd
• Gweithiwr Cryfhau Teuluoedd
• Cynorthwyydd Gwarchod y Cyhoedd
• Swyddog Cefnogi Prosiectau

I gael rhagor o fanylion ac i wneud cais, ymwelwch â; Lleoliadau Gwaith â Thâl - Cyngor Bwrdeistref Sirol Conwy   

Y dyddiad cau ar gyfer ceisiadau yw 17 Medi 2025 a chynhelir cyfweliadau ym mis Hydref.

Mae’r prosiect hwn wedi’i ariannu gan Lywodraeth y DU drwy Gronfa Ffyniant Gyffredin y DU.