Gwasanaeth Ieuenctid Conwy yn cyflawni Adnewyddiad Marc Ansawdd Efydd

Gwasanaeth Ieuenctid Conwy yn cyflawni Adnewyddiad Marc Ansawdd Efydd

Gwasanaeth Ieuenctid, Ymgysylltu a Pherthyn Conwy

Mae Gwasanaeth Ieuenctid, Ymgysylltu a Pherthyn Conwy wedi dechrau’r broses o adnewyddu eu Marciau Ansawdd Efydd, Arian ac Aur mewn Gwaith Ieuenctid yng Nghymru.

Prif nod y broses Marc Ansawdd yw dathlu gwaith ieuenctid a’i effaith cadarnhaol ar fywydau pobl ifanc. Mae Gwasanaeth Ieuenctid Conwy yn ddeilliad balch o Farc Ansawdd Aur, ar ôl cyflawni’r statws yn 2023. Mae’r Wobr yn parhau’n ddilys am dair blynedd.

Mae’r Gwasanaeth Ieuenctid wedi dechrau’r broses i gadw eu Safon Aur tu hwnt i ddiwedd y cyfnod tair blynedd bresennol. Rhoddir y Wobr mewn trefn: gan adnewyddu’r Wobr Efydd i ddechrau, yna’r  Arian ac yn olaf, y Wobr Aur. Fel cam cyntaf mae’r Gwasanaeth wedi cyflawni’r adnewyddiad lefel Efydd yn ddiweddar ar ôl cyflwyno hunanasesiad a thystiolaeth i fodloni’r meini prawf. Bydd y tîm Gwasanaeth Ieuenctid yn gweithio ar y gofynion ar gyfer y Wobr Arian ddechrau’r flwyddyn nesaf, gyda’r nod o gyflawni eu targed o Aur erbyn diwedd 2026 pan fydd y Wobr bresennol yn dod i ben.

Dywedodd y Cynghorydd Julie Fallon, Aelod Cabinet sy’n gyfrifol am y Gwasanaeth Ieuenctid, “Mae ein Gwasanaeth Ieuenctid yn falch iawn o’i statws Aur. Diolch i’r staff ymroddedig yn y tîm, sy’n gweithio’n galed ar gadw’r safon uchel o ddarpariaeth wrth iddynt ddechrau gweithio tuag at gynnal y Wobr Aur. Adnewyddu’r Wobr Efydd yw’r cam cyntaf. Rwy’n llongyfarch y tîm ac yn dymuno’n dda iddynt wrth iddynt weithio tuag at y Wobr Arian a chadw’r Wobr Aur.

“Mae tua 300 o unigolion yn cymryd rhan mewn sesiynau bob wythnos ac fe all tîm y Gwasanaeth Ieuenctid fod yn falch o’r effaith maent yn ei gael ar fywydau pobl ifanc.”

Mae Gwasanaeth Ieuenctid, Ymgysylltu a Pherthyn Conwy ar gyfer pobl ifanc 11–24 oed sy’n byw yn Sir Conwy. Mae’n darparu amrywiaeth o wasanaethau yn cynnwys clybiau ieuenctid a gweithgareddau, cyfleoedd i wneud Gwobr Dug Caeredin, cymorth i gael gwaith a chyngor am les.

Am fwy o wybodaeth am Wasanaeth Ieuenctid, Ymgysylltu a Pherthyn Conwy, ewch i www.conwy.gov.uk/gwasanaethieuenctid.