Cynghorwyr am drafod yr Ardoll Ymwelwyr

Cynghorwyr am drafod yr Ardoll Ymwelwyr

Ardoll Ymwelwyr

Mae’r Ardoll Ymwelwyr yn un o’r eitemau ar y rhaglen i Gynghorwyr Conwy eu trafod y mis hwn.

Cyflwynir yr ymatebion i’r ymgynghoriad statudol a gynhaliwyd ddechrau’r haf i Bwyllgor Craffu’r Economi a Lle ar 9 Medi ac yna’r Cyngor Llawn ar 24 Medi. 
Bydd yr adroddiad yn cynnwys asesiadau a data ynghyd â’r argymhelliad bod y Cynghorwyr yn cytuno i beidio â chyflwyno Ardoll Ymwelwyr nes bod mwy o dystiolaeth a phrofiadau i fedru penderfynu.

Meddai’r Cynghorydd Sharon Doleman, Aelod Cabinet Economi Gynaliadwy a Chyfathrebu: “Mae diddordeb mawr yn yr Ardoll Ymwelwyr gan fod twristiaeth yn aruthrol o bwysig i’r economi a chymunedau yng Nghonwy. Bydd Cynghorwyr yn cael cyfle i ystyried yr adroddiad, y dystiolaeth a’r argymhelliad cyn dod i benderfyniad.”

Darllenwch yr adroddiad a gwyliwch y cyfarfod yma:

Dolen i’r Pwyllgor Trosolwg a Chraffu Economi a Lle: Rhaglen Pwyllgor Trosolwg a Chraffu Economi a Lle ddydd Mercher, 9 Medi 2026 
Dolen i’r Cyngor: Rhaglen y Cyngor ddydd Iau, 24 Medi 2026

Cefndir: 
Yn 2024, cyhoeddodd Llywodraeth Cymru Fil Llety Ymwelwyr (Cofrestr ac Ardoll) Etc. (Cymru).  Cymeradwyodd Senedd Cymru’r Bil ar 8 Gorffennaf 2025 a derbyniodd Gydsyniad Brenhinol ar 18 Medi 2025. 
Mae’r Bil yn rhoi'r dewis i awdurdodau lleol gyflwyno ardoll ar arosiadau dros nos mewn llety ymwelwyr.  
Mae cynnal ymgynghoriad yn rhan o'r broses a rhaid gwneud hynny cyn gofyn i Gynghorwyr benderfynu a ddylid cyflwyno ardoll ai peidio. 
Yng Nghonwy, cynhaliwyd yr ymgynghoriad am ychydig dros wyth o wythnosau, rhwng 20/05/26 a 17/07/26.