Cartref Newyddion Eitemau newyddion Cymeradwyo proses gau ffurfiol ar gyfer dwy ysgol
start content

Cymeradwyo proses gau ffurfiol ar gyfer dwy ysgol

Dosbarth

Dosbarth

Mae Cabinet Conwy wedi cytuno i symud ymlaen i gam nesaf y broses gau ar gyfer Ysgol Ysbyty Ifan ac Ysgol Betws-y-coed.

O dan God Trefniadaeth Ysgolion Llywodraeth Cymru mae yna weithdrefn i’w dilyn wrth ystyried cau ysgolion. Mae’r broses yn dechrau gydag ymgynghoriad ffurfiol, a gynhaliwyd rhwng mis Rhagfyr 2025 a mis Ionawr 2026.

Cyflwynwyd canlyniadau’r ddau ymgynghoriad i’r Pwyllgor Craffu Addysg a Sgiliau a’r Cabinet yn gynharach fis hwn. 

Pleidleisiodd y Cabinet dros symud i gam nesaf y broses statudol trwy gyhoeddi Hysbysiadau Statudol ar gyfer y cynnig i gau Ysgol Ysbyty Ifan ac Ysgol Betws-y-coed.

Mae’r Hysbysiadau Statudol wedi cael eu cyhoeddi yn unol â’r Cod Trefniadaeth Ysgolion. Mae hyn yn nodi cychwyn cyfnod hysbysiad statudol (28 diwrnod) ac yn ystod y cyfnod hwn gellir cyflwyno gwrthwynebiadau neu sylwadau.  

Ysgol Betws-y-coed: Cynnig i gau Ysgol Betws y Coed - Hysbysiad Statudol 
Ysgol Ysbyty Ifan: Cynnig i gau Ysgol Ysbyty Ifan - Hysbysiad Statudol

Pan fydd y cyfnod hysbysiad yn dod i ben, bydd pob sylw a wnaed yn cael ei ystyried cyn i Gabinet Conwy wneud penderfyniad terfynol.

 

Cefndir: 
Dolen i’r rhaglen, adroddiadau a’r gweddarllediad: Democratiaeth Leol Conwy: Rhaglen ar gyfer y Cabinet ddydd Mawrth, 9 Mehefin 2026, 2.00 pm

Wedi ei bostio ar 24/06/2026

Yn yr adran hon

Drag side panels here (optional)
end content