Papur Pleidleisio Sain Newydd

Papur Pleidleisio Sain Newydd

Blwch Pleidleisio

Mae papur pleidleisio sain newydd wedi cael ei gyflwyno ar gyfer etholiad y Senedd fis nesaf. Bydd yn helpu i gefnogi pleidleiswyr dall neu rhannol ddall trwy gynnig fersiwn sain o’r holl bleidiau a’u hymgeiswyr ar y papur pleidleisio.

Mae’r disgrifiad sain ar gyfer etholaeth Bangor Conwy Môn ar gael ar dudalen Etholiad Senedd Cymru ar wefan Cyngor Bwrdeistref Sirol Conwy i helpu'r rhai sydd â phleidleisiau post.

Neu cliciwch ar  Papur Pleidleisio Sain - Bangor Conwy Môn - Etholiad i Senedd Cymru 2026

Bydd y papur pleidleisio sain newydd hefyd ar gael mewn gorsafoedd pleidleisio yn etholaeth Bangor Conwy Môn ar gyfer y bleidlais ar ddydd Iau 7 Mai. 

Gall y pleidleiswyr sganio’r cod QR, gyda chymorth staff yr orsaf, a fydd yn tywys y pleidleisiwr i ddisgrifiad sain pwrpasol o’r holl bleidiau a’r ymgeiswyr sy’n sefyll yn yr etholiad yn etholaeth Bangor Conwy Môn.

Defnyddir y recordiad sain ar y cyd â’r droshaen papur pleidleisio, a bydd y pleidleisiwr yn clywed pa blaid sydd yn cyd-fynd â phob bocs sydd wedi’u rhifo gan gael eu llywio i’r bocs cywir gan ddefnyddio’r rhifau boglynnog a braille sydd wrth eu hochr.

Os nad all rhywun ddefnyddio’r dewis digidol, bydd staff yr orsaf bleidleisio ar gael i’w cynorthwyo a darllen y papur pleidleisio allan i’r pleidleisiwr.

Mae’r disgrifiad sain ar gyfer etholaeth Bangor Conwy Môn ar gael i’w wrando cyn diwrnod y bleidlais ar dudalen Etholiad Senedd Cymru ar wefan Cyngor Bwrdeistref Sirol Conwy.