Etholiadau Senedd Cymru
Mae Senedd Cymru’n cynrychioli holl bobl Cymru.
Mae’r etholiadau’n cael eu cynnal mewn 40 o etholaethau a 5 rhanbarth ledled Cymru gyfan. Canlyniad hynny yw ethol 60 Aelod o’r Senedd ledled Cymru.
Mae dau Aelod o’r Senedd (AS) ar gyfer Conwy – un ar gyfer etholaeth Aberconwy ac un ar gyfer etholaeth Gorllewin Clwyd.
Mae 4 Aelod Rhanbarthol hefyd yn cael eu hethol i gynrychioli ardal Gogledd Cymru.
Mae Aelodau o’r Senedd yn rhannu eu hamser rhwng gwaith yn y Senedd yng Nghaerdydd a gwaith lleol yn yr ardal maent yn ei chynrychioli.
Cynhelir yr etholiadau hyn bob 5 mlynedd, a chynhelir yr etholiad nesaf ym mis Mai 2026.