Gorchymyn Gwarchod Mannau Cyhoeddus Newydd ym Mae Colwyn
Conwy Diogelach
Mae Cyngor Bwrdeistref Sirol Conwy, mewn partneriaeth â Heddlu Gogledd Cymru, yn cyflwyno Gorchymyn Gwarchod Mannau Cyhoeddus newydd ar gyfer Bae Colwyn.
Bydd y Gorchymyn newydd yn para tair blynedd o ddiwedd mis Mawrth 2026 ymlaen.
Meddai’r Cynghorydd Stephen Price, Aelod Cabinet Tai, Rheoleiddio ac Archwilio Conwy: “Ein gobaith yw y bydd y Gorchymyn newydd hwn yn rhwystr effeithiol a hefyd yn galluogi Swyddogion yr Heddlu i ddelio’n gyflym â throseddwyr.”
Meddai’r Prif Arolygydd Rachel Hare o Heddlu Gogledd Cymru: “Mae’r Gorchymyn newydd yn rhoi’r pwerau angenrheidiol i ni gymryd camau cadarn i ddelio ag unigolion sy’n ymddwyn yn wrthgymdeithasol yn rheolaidd. Mae’n ein helpu i wneud yr ardal yn lle mwy diogel i drigolion ac ymwelwyr ei fwynhau.
“Byddwn yn annog aelodau’r cyhoedd i roi gwybod i ni am achosion o Ymddygiad Gwrthgymdeithasol drwy ffonio 101 neu ddefnyddio ein cyfleuster sgwrsio ar y we. Ar y cyd â’n partneriaid a’n cymunedau lleol, byddwn yn parhau i dargedu’r unigolion hynny sy’n achosi niwed ac yn amharu ar ein hardal.”
Cyflwynwyd y Gorchymyn Gwarchod Mannau Cyhoeddus blaenorol ym mis Mai 2022 dan Ddeddf Ymddygiad Gwrthgymdeithasol, Troseddu a Phlismona 2014, i fynd i’r afael â phroblemau fel yfed ar y stryd ac ymddygiad gwrthgymdeithasol ymysg pobl ifanc. Bu mewn grym am dair blynedd a galluogodd Heddlu Gogledd Cymru i gymryd camau gorfodi pan oedd yr amodau’n cael eu torri yn yr ardal ddynodedig.
Yn dilyn adolygiad gyda Heddlu Gogledd Cymru, nid yw’r Gorchymyn newydd yn cynnwys y cymal sy’n ymwneud yn benodol ag ymddygiad gwrthgymdeithasol ymysg pobl ifanc yn sgil heriau gorfodi ac amwysedd, ac mae’r Gorchymyn bellach yn cynnwys ardal ehangach.
Gwahoddwyd trigolion lleol, perchnogion busnes a Chynghorwyr i gyflwyno eu barn am y Gorchymyn Gwarchod Mannau Cyhoeddus. Bu’r cyfnod ymgynghori ar agor am chwe wythnos rhwng 26 Tachwedd 2025 a 7 Ionawr 2026.
Mae’r Gorchymyn a’r map i’w gweld ar lein yn:
Wedi ei bostio ar 26/03/2026