Mae cynllun Troi Tai’n Gartrefi’n cynnig benthyciadau i adnewyddu, gwella ac addasu tai gwag i’w defnyddio fel llety preswyl. Gall eiddo cymwys gael benthyciad hyd at £25,000 fesul uned llety, gydag uchafswm benthyciad o £150,000 ar gael fesul ymgeisydd.
Gall perchnogion, cwmnïau neu sefydliadau trydydd sector wneud cais, ac maent hefyd ar gael i addasu eiddo nad ydynt yn breswyl yn llety preswyl. I fod yn gymwys, rhaid i eiddo fod wedi bod yn wag am 6 mis neu fwy a rhaid eu gwerthu neu eu gosod wedi i'r gwaith gael ei gwblhau.
Am ragor o wybodaeth am y cynllun benthyciadau neu gyngor cyffredinol ar eiddo gwag, cysylltwch â’r adran Strategaeth Tai ar 01492 574235 / 576274 neu anfonwch e-bost at strategaethtai@conwy.gov.uk