Bydd gwaith cynnal a chadw hanfodol o 6pm ar 7/12/17 yn effeithio ar ein gwasanaethau rhyngrwyd, gan gynnwys gwefannau ac e-bost.
Cartref Cyngor Pleidleisio ac Etholiadau Ynglŷn ag Etholiadau Seddi gwag achlysurol ac isetholiadau

Seddi gwag achlysurol ac isetholiadau


Summary (optional)
Os digwydd i gynghorydd adael ei sedd yn ystod ei gyfnod yn y swydd, yna rydym ni’n galw hynny’n sedd wag achlysurol.
start content

Gall hyn ddigwydd pan fo cynghorydd yn ymddeol, yn marw, yn cael ei wahardd (neu’n anghymwys) neu’n methu ymgymryd â’i swydd.

Cynghorau Tref a Chymuned

Pan fo sedd wag ar gyngor tref neu gymuned bydd y clerc yn arddangos 'Hysbysiad o Sedd Wag’ yn yr ardal gymunedol cyn gynted â phosibl.

Mae’r hysbysiad yn egluro bod modd galw etholiad drwy ysgrifennu at Reolwr y Gwasanaethau Democrataidd o fewn 14 diwrnod gwaith i ddyddiad yr hysbysiad. Mae’n rhaid derbyn o leiaf 10 llythyr gan etholwyr sy’n byw yn yr ardal gymunedol (os yw’r gymuned wedi ei rhannu'n wardiau, mae'n rhaid i'r etholwyr fod yn byw yn y ward dan sylw).

Os gelwir etholiad, mae’n rhaid ei gynnal o fewn 60 diwrnod i ddyddiad yr hysbysiad. Os na dderbynnir unrhyw lythyr i alw etholiad, mae rhwydd hynt i’r cyngor tref/cymuned gyfethol rhywun i lenwi'r sedd wag.

Mae hyn yn golygu y gall y cyngor tref/cymuned ddewis pwy bynnag y dymunant, yn hytrach na chynnal etholiad.

Cyngor Bwrdeistref Sirol

Pan fo sedd wag bydd 'Hysbysiad o Sedd Wag’ yn cael ei arddangos.

Mae’r hysbysiad yn egluro bod modd galw etholiad drwy ysgrifennu at y Swyddog Canlyniadau. Mae’n rhaid derbyn o leiaf 2 lythyr gan etholwyr sy’n byw yn yr ardal etholiadol. Os gelwir etholiad, yna mae’n rhaid ei gynnal o fewn 35 diwrnod i ddyddiad yr hysbysiad.

Fodd bynnag, os digwydd i sedd ddod yn wag o fewn 6 mis i ddyddiad yr etholiadau nesaf bydd y sedd yn cael ei llenwi wedi’r etholiad hwnnw. Yn y cyfamser, bydd y sedd yn parhau’n wag ac ni fydd isetholiad yn cael ei gynnal.

end content

Dod o hyd i'ch ysgolion, ysbytai, gwasanaethau cyngor agosaf a mwy