Gall cŵn ddod a llawer o hapusrwydd a mwynhad i’n bywydau ond mae bod yn berchen ar gi yn dod â chyfrifoldebau penodol.
Fel perchennog ci gyfrifol:
- gofalwch bod eich ci wedi’i ficrosglodynnu a bod eich manylion ar ei goler fel y gellir eich haduno cyn gynted â phosibl os yw’n mynd ar goll.
- cadwch frechiadau a thriniaeth llyngyr eich ci’n gyfredol.
- peidiwch â gadael i’ch ci grwydro.
Y Cod Cerdded Cŵn
Er mwyn mynd â’ch ci am dro mewn modd diogel a hapus, dilynwch y Cod Cerdded Cŵn a ddyfeisiwyd gan Gyfoeth Naturiol Cymru a’u partneriaid:
- cadwch eich ci dan reolaeth ac o fewn golwg: cadwch o’n ddigon agos i chi allu galw arno i ddod yn ôl atoch.
- peidiwch â gadael i’ch ci redeg yn ddi-wahoddiad at geffylau a marchogion, beicwyr na phobl eraill.
- gofalwch am natur: peidiwch ag achosi difrod nac aflonyddwch a pheidiwch byth â gadael i’ch ci boeni na rhedeg ar ôl bywyd gwyllt.
- cadwch eich ci ar dennyn os oes da byw o gwmpas, wrth ymyl clogwyni neu os oes arwyddion yn gofyn i chi wneud hynny.
- cadwch eich ci dan reolaeth agos ar lwybrau cyhoeddus neu dir mynediad, peidiwch â gadael iddo grwydro. Mae’n drosedd difrifol gadael i gŵn grwydro neu boeni da byw a gall tirfeddianwyr gymryd camau uniongyrchol.
- cliriwch faw eich ci - rhowch o mewn bag ac yna yn y bin lle bynnag yr ydych chi a pheidiwch byth a gadael bagiau llawn baw o gwmpas y lle. Gallwch ddefnyddio unrhyw fin gwastraff cyhoeddus neu eich bin du eich hun.