Cynnig i uno Ysgol y Foryd ac Ysgol Maes Owen.

Yn y cyfarfod ar 18eg o Chwefror 2025, cymeradwyodd Cabinet Cyngor Bwrdeistref Sirol Conwy fod y cynnig i uno Ysgol Y Foryd ac Ysgol Maes Owen yn mynd yn ei flaen i’r cam Hysbysiad Statudol.

Mae crynodeb o’r Hysbysiad Statudol ar gael isod ac mae’r hysbysiad llawn ynghlwm.

P’un a oes gwrthwynebiadau’n dod i law o fewn y cyfnod statudol ai peidio, bydd y cynnig yn cael ei ystyried gan yr Awdurdod ar ddiwedd y cyfnod gwrthwynebu o 28 diwrnod.

Cyngor Bwrdeistref Sirol Conwy, Coed Pella, Bae Colwyn, LL29 7AZ - Deddf Safonau a Threfniadaeth Ysgolion (Cymru) 2013

HYSBYSIR DRWY HYN yn unol ag Adran 41 a 43 o Ddeddf Safonau a Threfniadaeth Ysgolion (Cymru) 2013 a Chod Trefniadaeth Ysgolion 2018 bod Cyngor Bwrdeistref Sirol Conwy, wedi ymgynghori a’r cyfryw bersonau sy’n ofynnol, yn cynnig yr isod:

1. Mae Cyngor Bwrdeistref Sirol Conwy yn cynnig sefydlu ysgol gymysg cyfrwng Saesneg newydd ar gyfer plant o 3 – 11, i’w chynnal gan Gyngor Bwrdeistref Sirol Conwy ar safleoedd Ysgol Y Foryd ac Ysgol Maes Owen.

O ganlyniad i’r cynigion a amlinellir uchod:

2. Mae Cyngor Bwrdeistref Sirol Conwy yn cynnig cau YSGOL MAES OWEN, MORFA AVENUE, FORYD, TOWYN, RHYL, LL18 5LE. Mae’r ysgol ar hyn o bryd yn cael ei chynnal gan Gyngor Bwrdeistref Sirol Conwy. Cynigir gweithredu’r cynnig ar 31ain Awst 2026.

3. Mae Cyngor Bwrdeistref Sirol Conwy yn cynnig cau YSGOL BABANOD Y FORYD, MORFA AVENUE, FORYD, TOWYN, RHYL, LL18 5LE. Mae’r ysgol ar hyn o bryd yn cael ei chynnal gan Gyngor Bwrdeistref Sirol Conwy. Cynigir gweithredu’r cynnig ar 31ain Awst 2026.

Dyddiad: 28/04/2025

• Hysbysiad Statudol (PDF)
  
  

Hanes yr ymgynghoriad