Os oes gennych unrhyw amheuaeth ynghylch lle i anfon eich ceisiadau am dystysgrifau, cysylltwch â'ch Swyddfa Gofrestru leol am gyngor. Mae ffurflenni cais am dystysgrifau geni, priodas a marwolaeth ar gael isod i chi eu lawrlwytho, eu llenwi a'u postio gyda'r tâl perthnasol.
Os ydych yn ansicr am unrhyw wybodaeth ar y ffurflen, dylech gynnwys cymaint o fanylion ag y gallwch. Fel arfer, nid yw cyfeirnodau mynegai y gallech ddod o hyd iddynt wrth ymchwilio (e.e. Manylion Cyfrol a Chwarter) yn berthnasol i gofnodion sy'n cael eu cadw'n lleol, ond gallant fod o gymorth wrth nodi cofnod ar y gofrestr.
Gall cofnodion priodasau fod yn arbennig o anodd i'w olrhain, felly os nad ydych chi'n siwr o leoliad y briodas, rhowch unrhyw gyfeiriadau perthnasol ar y pryd a manylion y tadau.
Chwiliadau Cyffredinol
Nid oes gan Swyddfeydd Cofrestru yr adnoddau i ymgymryd â chwiliadau o natur amhendant neu estynedig. Fel arfer, cynhelir chwiliad yn y mynegai dros gyfnod o dim mwy na 5 mlynedd, dim ond pan fydd manylion cywir wedi'u rhoi. Os oes angen chwiliad ehangach, bydd angen i'r ymgeisydd neu rywun ar ei ran/rhan wneud Ymchwiliad Cyffredinol yn y mynegai.
Drwy drefnu gyda'r Cofrestrydd Arolygol, a thalu'r ffi briodol, gallwch gael mynediad i fynegai'r genedigaethau, priodasau a marwolaethau (nid i'r cofrestri eu hunain) am hyd at chwe awr.
Gellir cael tystysgrif o unrhyw gofnod a nodwyd drwy lenwi ffurflen gais a thalu'r ffi briodol.
I lawr lwytho ffurflen gais am Dystysgrif Genedigaeth, Marwolaeth neu Briodas, cliciwch ar yr atodiadau isod.
Genedigaethau, Priodasau a Marwolaethau Gogledd Cymru
Er bod y Swyddfa Gofrestru leol yn gallu delio gyda ymholiadau am dystysgrifau geni, priodas a marwolaeth, mae posib i chi gael golwg ar fynegion a chyfeirnodau drwy edrych ar amryw o wefannau. Lanswyd gwefan GPM Gogledd Cymru yn Awst 2003 ac mae'n cynnwys - ond nid eto yn gyflawn - mynegion genedigaethau, priodas a marwolaeth o 1837 i 1950 i ardal Gogledd Cymru. Gellir defnyddio'r wefan i ddod o hyd i hynafiaid a chael cyfeirnodau i'w defnyddio gan y Swyddfa Gofrestru i ddarparu copïau o dystysgrifau genedigaeth, priodas neu farwolaeth fel bo'r angen.
Cais am Dystysgrif Geni
Cais am Dysysgrif Marwolaeth
Cais am Dystysgrif Priodas