Cefndir
Yng Nghonwy, er mwyn ymdrin â materion sy’n ymwneud â pherchnogaeth cŵn anghyfrifol, mae gennym Orchymyn Gwarchod Mannau Cyhoeddus - Rheoli Cŵn 2023 ar waith. Roedd y Gorchymyn yn destun ymgynghoriadau cyhoeddus, a ddangoswyd fod cefnogaeth gyhoeddus gref o blaid y cynigion, a gwnaed y Gorchymyn i’w wneud yn drosedd i:
- Methu codi baw cŵn ar unwaith.
- Methu cario dull priodol i gasglu baw ci.
- Caniatáu i gi fynd ar dir ble mae cŵn wedi eu heithrio drwy’r flwyddyn; a
- Caniatáu i gi fynd ar dir ble mae cŵn wedi eu heithrio’n dymhorol.
- Peidio cadw ci ar dennyn mewn ardal ddynodedig.
- Peidio rhoi a chadw ci ar dennyn pan fyddant yn derbyn cyfarwyddyd i wneud hynny gan swyddog awdurdodedig.
Gellir cyflwyno Rhybudd Cosb Benodedig (dirwy) o £100 i berchnogion os byddant yn gwneud unrhyw un o’r rhain.
Mae cyflwyno’r Gorchymyn Gwarchod Mannau Agored Cyhoeddus wedi helpu i:
- greu mannau awyr agored mwy diogel a chroesawgar i berchnogion cŵn a phobl heb gŵn
- mynd i’r afael â phroblemau baw cŵn
Beth rydym yn ei gynnig nawr
Er gwaethaf y gwelliannau hyn, mae baw cŵn a materion eraill cysylltiedig â chŵn yn parhau i fod yn achos pryder allweddol i gymunedau ledled y sir. O ganlyniad, rydym yn cynnig ymestyn y Gorchymyn Gwarchod Mannau Cyhoeddus - Rheoli Cŵn 2023 am 3 blynedd, er mwyn creu Gorchymyn Gwarchod Mannau Cyhoeddus - Rheoli Cŵn 2026, fel y gallwn barhau i sicrhau ac annog perchnogaeth cŵn cyfrifol yng Nghonwy, a chefnogi gofodau cyhoeddus diogel, glân, llawn mwynhad i bob cymuned, mewn modd cyfrannol ac effeithiol. Mae’r Gorchymyn Gwarchod Mannau Cyhoeddus yn dod i ben ym mis Hydref 2026. Os na fydd y Gorchymyn yn cael ei ymestyn, bydd yn dod i ben, ac ni fydd unrhyw gyfyngiadau gorfodi cyfreithiol ar gŵn yn Sir Conwy.
Rydym yn ystyried ei bod yn rhesymol tybio y byddai unrhyw ymddygiad gwrthgymdeithasol mewn perthynas â chŵn a’u rheolaeth mewn ardaloedd cyfyngedig yn digwydd eto a/neu o bosibl yn cynyddu ac/neu’n fwy difrifol pe na fyddai’r Gorchymyn yn cael ei ymestyn.
Felly hoffwn gasglu eich barn ar y canlynol:
Do you support the extension of the current controls
- Methu codi baw cŵn ar unwaith.
- Methu cario dull priodol i gasglu baw ci.
- Caniatáu i gi fynd ar dir ble mae cŵn wedi eu heithrio’n dymhorol.
- Peidio cadw ci ar dennyn mewn ardal ddynodedig.
- Peidio rhoi a chadw ci ar dennyn pan fyddant yn derbyn cyfarwyddyd i wneud hynny gan swyddog awdurdodedig.
Yn ogystal â hyn, mae nifer o geisiadau yn gofyn bod amrywiadau yn cael eu hychwanegu i’r rheolyddion presennol wedi cael eu gwneud.
Ydych hi’n cefnogi amrywiad i’r rheolyddion presennol i gynnwys
- Parth eithrio cŵn ar ardal o’r traeth sy’n wynebu Promenâd Cayley, Llandrillo-yn-Rhos.
- Ardal benodol i ymarfer cŵn yn yr Oval, Llandudno
- Ardal benodol i ymarfer cŵn ar Faes Hamdden Ffordd Maesdu, Llandudno
- Parth eithrio cŵn ar faes Chwaraeon a Hamdden Betws-yn-Rhos, Betws-yn-Rhos
Dweud eich dweud
Bydd yr ymgynghoriad cyhoeddus yn cael ei gynnal rhwng 14 Awst 2026 a 11 Medi 2026 a gellir cael mynediad ato drwy ffurflen ar-len
Cyfeiriad ar gyfer copïau papur
Coed Pella,
Ffordd Conwy,
Bae Colwyn,
LL29 0GG
Y camau nesaf
Bydd ymatebion yn cael eu hystyried ac adroddir ar ganfyddiadau i’r Pwyllgor Craffu a’r Cabinet Cyngor gyda phenderfyniad i gadarnhau amodau Gorchymyn Gwarchod Mannau Cyhoeddus 2026. Os yw’n cael ei gymeradwyo, bydd y Gorchymyn Gwarchod Mannau Cyhoeddus estynedig, gan gynnwys unrhyw newidiadau, yn cael ei gyflwyno yn ddiweddarach yn 2026. Bydd yn cael ei gyhoeddi ar ein gwefan, tudalennau’r cyfryngau cymdeithasol, yn ogystal â’n byrddau gwybodaeth digidol, ac yn lleol ledled y sir lle mae amrywiadau i’r rheolyddion cŵn wedi digwydd.
Gweler y Gorchymyn Gwarchod Mannau Cyhoeddus - Rheoli Cŵn 2023
Gweler y Gorchymyn Gwarchod Arfaethedig Mannau Cyhoeddus - Rheoli Cwn 2026