Mae Cyflogaeth Plant yng Nghymru yn cael ei gynnwys yn Rhan II Deddf Plant a Phobl Ifanc 1963
Oriau o waith a ganiateir: Os ydych chi’n gweithio, mae’r rheolau canlynol yn berthnasol nes i chi gyrraedd oedran gadael yr ysgol. Dylid anfon ffurflen gais sydd wedi’i llenwi a’i llofnodi gan eich rhieni a’ch cyflogwr i’r cyfeiriad isod cyn i chi ddechrau gweithio.
| Pan fyddwch chi’n: | Mae modd gweithio: | Yn ystod yr oriau canlynol : |
|---|
| 13 a 14 |
Diwrnodau ysgol |
Dim mwy na chyfanswm o 2 awr mewn un diwrnod yn ystod y cyfnodau canlynol:
- Yn y bore rhwng 7am ac amser dechrau’r ysgol (uchafswm o 1 awr)
- Min nos rhwng amser gorffen yr ysgol a 7pm
|
| Dydd Sadwrn * |
5 awr y dydd rhwng 7am a 7pm |
| Dydd Sul |
2 awr y dydd rhwng 7am a 7pm |
| Gwyliau ysgol * |
5 awr y dydd ar unrhyw ddiwrnod o’r wythnos (heblaw dydd Sul) rhwng 7am a 7pm, ond ni ddylai cyfanswm yr oriau a weithir mewn wythnos fod dros 25 awr.
Mae’n rhaid i chi gael gwyliau o 2 wythnos yn olynol mewn blwyddyn ac mae’n rhaid iddynt fod yn ystod gwyliau ysgol. |
| 15 |
Diwrnodau ysgol |
Dim mwy na chyfanswm o 2 awr mewn un diwrnod yn ystod y cyfnodau canlynol:
- Yn y bore rhwng 7am ac amser dechrau’r ysgol (uchafswm o 1 awr)
- Min nos rhwng amser gorffen yr ysgol a 7pm
|
| Dydd Sadwrn * |
8 awr y dydd rhwng 7am a 7pm |
| Dydd Sul |
2 awr y dydd rhwng 7am a 7pm |
| Gwyliau ysgol * |
8 awr y dydd ar unrhyw ddiwrnod o’r wythnos (heblaw dydd Sul) rhwng 7am a 7pm, ond ni ddylai cyfanswm yr oriau a weithir mewn wythnos fod dros 35 awr.
Mae’n rhaid i chi gael gwyliau o 2 wythnos yn olynol mewn blwyddyn ac mae’n rhaid iddynt fod yn ystod gwyliau ysgol. |
| 16 |
Mae’r oriau cyflogaeth a nodwyd ar gyfer rhai sy’n 15 oed yn berthnasol tra byddwch o oedran ysgol gorfodol. Os ydych yn dymuno, mae’n gyfreithlon i chi adael yr ysgol ar y dydd Gwener olaf ym mis Mehefin yn ystod y flwyddyn ysgol pan fyddwch yn cael eich pen-blwydd yn 16 oed.
Nid oes modd i chi gael cyflogaeth llawn amser tan ar ôl y dyddiad hwnnw. |
* Ni chaiff unrhyw blentyn o unrhyw oed weithio mwy na 4 awr mewn unrhyw ddiwrnod heb gael gorffwys o un awr
Gwaith a ganiateir
| Pan fyddwch chi’n: | Gallwch chi wneud y math hwn o waith: |
|---|
| 13 |
Dim ond mewn ‘gwaith ysgafn’ y mae modd eich cyflogi mewn un neu fwy o’r canlynol:
- Gwaith amaethyddol neu arddwriaethol
- Dosbarthu papurau newydd a deunydd printiedig arall
- Gwaith siop, gan gynnwys llenwi silffoedd
- Salon trin gwallt
- Gwaith swyddfa
- Golchi ceir â llaw mewn lleoliad preswyl
- Mewn caffi neu fwyty
- Mewn stablau marchogaeth
- Gwaith domestig mewn gwestai a sefydliadau eraill yn cynnig llety
|
| 14 a 15 |
Dim ond mewn gwaith ysgafn y gellir eich cyflogi.
Mae modd i chi ymwneud â masnachu ar y stryd os ydych chi wedi’ch cyflogi gan eich rhiant mewn cysylltiad â’u busnes, ac os byddwch yn cael eich goruchwylio, neu eich bod wedi cael trwydded masnachu ar y stryd gan yr awdurdod lleol. |
| 16 |
Bydd y cyfyngiadau uchod yn parhau i fod yn berthnasol tra byddwch o oedran ysgol gorfodol (gweler trosodd). |
Cyflogaeth sy’n cael ei wahardd ar gyfer pob plentyn o oedran ysgol gorfodol
Ni chaiff unrhyw blentyn o unrhyw oed gael ei gyflogi:
- mewn sinema, theatr, discotec, neuadd ddawnsio neu glwb nos, heblaw mewn cysylltiad â pherfformiad a roddwyd yn gyfan gwbl gan blant.
- i werthu neu ddosbarthu alcohol, heblaw mewn cynwysyddion wedi eu selio
- i werthu sigarennau neu feddyginiaeth
- i ddosbarthu llefrith
- i ddosbarthu olew tanwydd
- mewn cegin fasnachol
- i gasglu neu ddidoli sbwriel
- mewn unrhyw waith sydd dros dri metr uwchlaw lefel y ddaear neu, yn achos gwaith dan do, dros dri metr uwchlaw lefel y llawr
- mewn gwaith sy’n cynnwys cysylltiad niweidiol i gyfryngau cemegol, biolegol neu ffisegol
- casglu arian neu werthu neu ganfasio o ddrws i ddrws heblaw o dan oruchwyliaeth oedolyn
- mewn gwaith sy’n cynnwys deunydd oedolion, neu mewn sefyllfaoedd sydd am y rheswm hwn fel arall yn anaddas i blant
- mewn gwerthu dros y ffôn
- mewn unrhyw ladd-dy neu yn y rhan honno o unrhyw siop cigydd neu eiddo arall sy’n gysylltiedig â lladd da byw, bwtsiera neu baratoi carcas neu gig i’w werthu
Trwydded Cyflogaeth Ffurflen Gais