Ynglŷn â’r ymgynghoriad
Cynhaliwyd yr ymgynghoriad cyhoeddus ar gyfer Cynllun Llwybr Teithio Llesol Pont Conwy o 2 Awst i 23 Awst 2023.
Roedd deunyddiau ymgynghori ar gael ar wefan y Cyngor, fel pecyn papur i’w bostio, ac mewn digwyddiad galw heibio cyhoeddus a gynhaliwyd yn Neuadd Eglwys y Santes Fair, Conwy ar 3 Awst 2023.
Hyrwyddwyd yr ymgynghoriad ar y cyfryngau cymdeithasol, mewn datganiadau i’r wasg, ar wefan y Cyngor ac mewn posteri a llythyrau at fudd-ddeiliaid lleol.
Roedd deunyddiau’r ymgynghoriad yn egluro’r amcanion y byddai’r cynllun yn eu bodloni, gan ddarparu mynediad teithio llesol i bawb rhwng Conwy a Chyffordd Llandudno ar gyfer pobl sy’n cerdded, ar olwynion ac yn beicio.
Roedd yr ymgynghoriad yn rhoi cyfle i gymunedau ystyried 4 dewis a darparu adborth.
Ymatebion i’r ymgynghoriad
Ymatebodd cyfanswm o 161 o bobl i’r ymgynghoriad.
Roedd mwyafrif helaeth yr ymatebion yn dweud bod angen llwybr teithio llesol ar yr A547 Pont Conwy.
Y dewis a ffafrir
- Dywedodd 104 o bobl (65% o ymatebwyr) mai Dewis C oedd y dewis yr oeddent yn ei ffafrio
- Roedd 40 o bobl (25%) yn ffafrio Dewis D2
- Roedd 10 o bobl (6%) yn ffafrio Dewis D1
- Roedd 5 o bobl yn ffafrio Dewis A3
Y dewis a ffafrir leiaf
- Dywedodd 65 o bobl (40% o ymatebwyr) mai Dewis D1 yr oeddent yn ei ffafrio leiaf
- Dywedodd 58 o bobl (36%) mai Dewis A3 yr oeddent yn ei ffafrio leiaf
- Dywedodd 18 o bobl (11%) mai Dewis D2 oeddent yn ei ffafrio leiaf
- Dywedodd 14 o bobl (8%) mai Dewis C3 oeddent yn ei ffafrio leiaf
Defnyddio’r llwybr teithio llesol
Dywedodd 118 o bobl (73% o’r ymatebwyr) y byddent yn defnyddio eu llwybr a ffafrir o leiaf unwaith yr wythnos.
- Dywedodd 56 o bobl y byddent yn ei ddefnyddio 1-2 diwrnod yr wythnos
- Dywedodd 33 o bobl y byddent yn ei ddefnyddio 3-4 diwrnod yr wythnos
- Dywedodd 29 o bobl y byddent yn ei ddefnyddio 5-7 diwrnod yr wythnos
Teithio presennol
Gofynnom i bobl ddweud wrthym ni sut maent fel arfer yn teithio rhwng Conwy a Chyffordd Llandudno. Mae rhai pobl yn defnyddio mwy nac un math o gludiant:
- Dywedodd 110 o bobl eu bod un ai’n cerdded neu’n beicio
- Dywedodd 72 o bobl eu bod yn defnyddio car preifat
- Mae 8 yn defnyddio math o gludiant cyhoeddus
Gofynnom i bobl ddweud wrthym ni beth sy’n eu hatal rhag cerdded, beicio neu fynd ar olwynion rhwng Conwy a Chyffordd Llandudno ar hyn o bryd.
- Ni wnaeth 65% o ymatebwyr ateb y cwestiwn hwn gan nad oedd yn berthnasol iddyn nhw
- Dywedodd 13 o bobl fod y siwrnai yn cymryd gormod o amser ond dim ond 1 person oedd yn dweud bod y siwrnai yn rhy bell.
- Dywedodd 11 o bobl eu bod angen cario offer
Beth nesaf?
Bydd canlyniadau’r ymgynghoriad cyhoeddus yn cael ei ychwanegu i’r broses werthuso Cam 2 WelTAG, fel rhan o asesu meini prawf derbynioldeb pob dewis.
Mae’r gwerthusiad hefyd yn cynnwys meini prawf economaidd, amgylcheddol, cymdeithasol a diwylliannol.
Bydd y dewis sy’n sgorio uchaf yn y broses werthuso yn cael ei symud ymlaen a’i ddatblygu fel y dewis a ffafrir yn y cam nesaf.