Ffioedd
Mae cais / adnewyddu trwydded siop anifeiliaid anwes yn costio £183 a gellir ei dalu ar-lein drwy ddefnyddio'r ddolen uchod. Unwaith y rhoddir trwydded, mae'n ddilys am 12 mis a rhaid ei hadnewyddu cyn y dyddiad dod i ben.
Cymhwyster
Ni ddylai ymgeiswyr fod wedi eu hanghymhwyso rhag:
- Cadw sefydliad bridio cŵn
- Cadw siop anifeiliaid anwes
- Cadw ci
- Cadw sefydliad anifeiliaid
- Cadw anifeiliaid
Bydd angen i ymgeisydd am drwydded ystyried a oes angen caniatâd cynllunio ar gyfer y gweithgaredd trwyddedig arfaethedig. Dylent gysylltu â'r adran gynllunio i drafod a fydd angen caniatâd. Gall yr awdurdod lleol wrthod neu ohirio penderfyniad am gais am drwydded nes y penderfynir ar y mater cynllunio.
Dogfennau Ategol
Dylai'r dogfennau canlynol hefyd gael eu cyflwyno gyda'ch cais:
- Cynllun safle a chynllun gosodiad
- Yswiriant Atebolrwydd Cyhoeddus
Prosesu ac Amserlenni
Bydd archwiliad yn cael ei wneud gan swyddog awdurdod lleol o fewn 28 diwrnod o dderbyn y cais. Os nad ydych wedi clywed gennym o fewn y graddfeydd amser hyn, cysylltwch â ni.
Nid yw caniatâd dealledig yn berthnasol felly mae'n rhaid i'ch cais gael ei brosesu gan yr awdurdod cyn y gellir ei ganiatáu.
Ni all unrhyw un redeg siop anifeiliaid anwes heb gael trwydded yn gyntaf.
Deddfwriaeth ac Amodau
Rhaid i ymgeiswyr a deiliaid trwydded fodloni gofynion Deddf Anifeiliaid Anwes 1951 (legislation.gov.uk) ac amodau cysylltiedig.
Rhaid i Awdurdodau Lleol ystyried y canlynol wrth ystyried cais:
- y bydd anifeiliaid yn cael eu cadw mewn llety addas, er enghraifft mewn perthynas â thymheredd, maint, golau, awyru a glendid
- bydd bwyd a diod digonol yn cael eu darparu i'r anifeiliaid a byddant yn cael eu gweld yn rheolaidd
- na fydd unrhyw anifeiliaid mamalaidd yn cael eu gwerthu’n rhy ifanc
- bod camau'n cael eu cymryd i atal clefyd rhag lledaenu ymhlith yr anifeiliaid
- bod y darpariaethau tân ac argyfwng digonol ar gael
Ceisiadau ac Apeliadau sydd wedi methu
Os yw’r drwydded yn cael ei gwrthod, gellir apelio i'r llys ynadon a all roi pa bynnag gyfarwyddiadau ynghylch y drwydded neu ei hamodau.
Rhoi gwybod am broblem
Os oes gennych unrhyw gwynion neu ymholiadau ynghylch siop anifeiliaid anwes, anfonwch e-bost at animal.licensing@conwy.gov.uk
Amodau Trwydded Siop Anifeiliaid Anwes
Gwefan Ffederasiwn Diwydiant Anifeiliaid Anwes