Rydym yn delio â materion hylendid bwyd ym Mwrdeistref Conwy. Ni allwn ddelio â chwynion dienw, ond bydd unrhyw fanylion personol gennych yn aros yn gyfrinachol.
Cyn i chi wneud cwyn
Mewn llawer o achosion, mae modd datrys eich cwyn trwy drafod y mater gyda'r siop, yr adeilad bwyd ac ati. Yn gyffredinol, mae busnesau’n pryderu eich bod wedi dod o hyd i broblem a byddant yn ceisio eu gorau i ddatrys y mater. Rydym yn argymell hwn fel eich cam gweithredu cyntaf, yn enwedig gydag achosion o arferion gwael fel pobl sy’n trin bwyd yn ysmygu mewn adeiladau bwyd.
Beth ddylwn i roi gwybod amdanynt?
Byddwn ond yn ymchwilio i faterion diogelwch bwyd sy'n peri risg sylweddol i iechyd y cyhoedd.
- Gweld llygod mawr, llygod, chwilod du a phlâu bwyd eraill mewn adeiladau bwyd.
- Arferion trin bwyd gwael sy'n arwain at halogi bwyd sylweddol. Er enghraifft, efallai y byddwch yn gweld staff yn trin cynnyrch cig amrwd a bwydydd sy’n barod i'w bwyta heb olchi dwylo yn y canol.
- Lefelau gwael o lendid strwythurol mewn ceginau ac ystafelloedd paratoi.
Beth nad oes angen i mi roi gwybod amdanynt?
Peidiwch â rhoi gwybod am gwynion risg isel sy'n cyflwyno ychydig neu ddim risg i iechyd y cyhoedd. Mae'r rhain yn cynnwys:
- Cludfwyd sydd ddim ar y tymheredd cywir.
- Mân gwynion o gyllyll a ffyrc neu wydrau budron.
- Problemau gyda morgrug mewn adeilad bwyd.
- Siopau’n gwerthu bwyd ar ôl y dyddiad y mae’r cynnyrch ar ei orau. Sut i roi gwybod am fater hylendid mewn adeilad bwyd
Cysylltwch â thîm diogelwch bwyd Conwy am gyngor
Beth sy'n digwydd nesaf?
Byddwn yn ymateb i gwynion hylendid yn seiliedig ar y risg i ddiogelwch bwyd. Byddwn hefyd yn ystyried hanes blaenorol yr adeilad ac unrhyw gwynion blaenorol, cydymffurfiad â deddfwriaeth a nodwyd ar arolygiadau blaenorol, a'r lefel o hyder sydd gennym yn y gweithredwr busnes bwyd.
Os yw'r gŵyn yn cyfiawnhau arolygiad, byddwn yn canolbwyntio ar y meysydd o bryder a allai gynnwys gwirio arferion, archwilio cyflwr yr ystafelloedd bwyd, cofnodi tymheredd a gwirio bod y gwaith papur yn gyfredol.
Pwrpas yr arolygiad yw gwella safonau yn yr adeilad bwyd ac atal problemau rhag digwydd eto.
Bydd y swyddog ymchwilio yn eich hysbysu o'r canfyddiadau a’ch hysbysu o unrhyw gamau pellach a fydd yn cael eu cymryd.