Lansio Cronfa Allweddol Adfywio Cymunedol

Lansio Cronfa Allweddol Adfywio Cymunedol

Mae Cronfa Allweddol Adfywio Cymunedol Conwy Cronfa Ffyniant Gyffredin y DU bellach ar agor a gwahoddir ceisiadau gan sefydliadau cymunedol.

Hoffai Cyngor Bwrdeistref Sirol Conwy dderbyn ceisiadau gan sefydliadau cymunedol sy’n awyddus i ddarparu prosiectau ar draws Conwy a fydd yn mynd i’r afael ag anghenion lleol ac yn cyfrannu at ddatblygu balchder mewn lle a gwneud gwahaniaeth gweledol.

Mae dwy elfen o’r Gronfa Allweddol:

• Cronfa ar gyfer prosiectau bach Cynghorau Tref a Chymuned a fydd yn gwneud gwahaniaeth gweledol yn yr ardal leol.
• Cronfa grantiau cystadleuol ar gyfer prosiectau rhwng £10,000 a £249,999 (gan asesu prosiectau llai fesul achos).

Mae cyfanswm o £3 miliwn i’w ddyrannu.  Y dyddiad cau ar gyfer ceisiadau yw 5pm ar 22 Medi 2023.

Meddai’r Cyng. Charlie McCoubrey, Arweinydd Cyngor Bwrdeistref Sirol Conwy: “Rwy’n falch iawn bod y gronfa allweddol bellach ar agor ar gyfer ceisiadau am brosiectau llai.  Bydd hyn yn helpu i sicrhau fod cyllid yn cael ei ddosbarthu ar draws y sir a bod cymunedau lleol yn elwa o Gronfa Ffyniant Gyffredin y DU.”

“A thrwy ddyrannu swm penodol o’r gronfa allweddol gyffredinol yn arbennig ar gyfer Cynghorau Tref a Chymuned, gallwn sicrhau fod bob ardal o’r sir yn elwa o’r cyllid.”

“Mae hwn yn alwad agored am brosiectau yn Sir Conwy, ac rwy’n erfyn ar sefydliadau cymunedol i gyflwyno eu ceisiadau cyn gynted â phosibl.”

Gellir cael mynediad at y canllawiau llawn a’r porth ymgeisio ar:  Cronfa Allweddol Adfywio Cymunedol - Cyngor Bwrdeistref Sirol Conwy

Mae Cronfa Ffyniant Gyffredin y DU yn biler canolog o raglen Ffyniant Bro Llywodraeth y DU ac yn darparu £2.6 biliwn o arian ar gyfer buddsoddiad lleol erbyn Mawrth 2025.  Am ragor o wybodaeth, ewch i https://www.gov.uk/government/publications/uk-shared-prosperity-fund-prospectus.cy

Mae Cyngor Bwrdeistref Sirol Conwy’n gweithio gydag awdurdodau lleol eraill yng Ngogledd Cymru i weinyddu a rheoli rhaglen Cronfa Ffyniant a Rennir y DU yn rhanbarthol.  

Fodd bynnag, caiff penderfyniadau ynghylch pa brosiectau y dyrennir cyllid ar eu cyfer eu gweinyddu’n lleol.

Gwahoddir ceisiadau ar gyfer Cronfa Allweddol Adfywio Cymunedol Conwy gan:

• Cynghorau Tref / Cymuned
• Grwpiau a Chymdeithasau Cymunedol
• Cymdeithasau Chwaraeon
• Cyrff cyhoeddus, yn cynnwys yr Awdurdod Lleol
• Sefydliadau’r trydydd sector
• Elusennau Cofrestredig
• Mentrau Cymdeithasol
• Cydweithfeydd 
• Cwmnïau cymdeithasol
• Mentrau cymunedol
• Cwmnïau preifat nid-er-elw
• Cwmnïau cyfyngedig drwy warant 
• Cwmnïau budd cymunedol ac ymddiriedolaethau datblygu 
• Prifysgol / Coleg
• Ysgolion
• Eglwysi / Capeli