I gefnogi cyflwyno'r rhaglen mewn modd amserol, bydd ceisiadau'n cael eu gwahodd cyn i'r cynllun dderbyn cymeradwyaeth ffurfiol gan yr Awdurdod Arweiniol. Bydd ceisiadau'n cael eu derbyn a gallant gael eu hasesu yn ystod y cyfnod hwn; fodd bynnag, ni ellir dyfarnu unrhyw grantiau hyd nes y bydd cymeradwyaeth ffurfiol wedi'i sicrhau. Ni ddylid dehongli asesu cais cyn derbyn cymeradwyaeth ffurfiol fel ymrwymiad i ddarparu cyllid.
Mae’r rhaglen hon yn cael ei hariannu drwy Gronfa Twf Lleol Llywodraeth Cymru (LGF) ar gyfer Blwyddyn Drosiannol Gogledd Cymru 2026-27 ac yn cael ei darparu gan Gyngor Bwrdeistref Sirol Conwy.[mewnosod dolen]
Mae Rhaglen Twf a Gwydnwch Busnes Conwy wedi’i ddatblygu i gefnogi busnesau lleol i:
- Cynyddu cynhyrchiant a chystadleuydd
- Buddsoddi mewn twf busnes ac arloesedd
- Mabwysiadu technolegau newydd ac atebion digidol
- Gwella sgiliau’r gweithlu
- Cryfhau gwydnwch busnes
- Buddsoddi mewn prosiectau carbon isel a datgarboneiddio
- Creu a diogelu cyfleoedd cyflogaeth
Mae cyllid ar gael tuag at brosiectau gwariant cyfalaf cymwys a phrosiectau gwariant refeniw dethol sy'n cyfrannu at un neu ragor o flaenoriaethau'r Gronfa Twf Lleol, fel y nodir yn y canllawiau llawn.
Mae’r cynllun wedi’i anelu at fentrau micro, bach a chanolig (sy’n cyflogi hyd at 250 o bobl) sydd naill ai â throsiant o lai na €50 miliwn neu fantolen o lai na €43 miliwn.
Cymorth Grant Ar Gael
- Grantiau rhwng £3,000 a £50,000
- Hyd at gyfradd ymyrraeth o 70%
- Isafswm cyfraniad ymgeisydd o 30%
- Cynllun grant dewisol cystadleuol
- Mae’r cyllid yn amodol ar gyllideb sydd ar gael a chymeradwyaeth y Panel Adolygu Grantiau
- Rhaid cwblhau prosiectau a chyflwyno hawliadau erbyn y dyddiad a nodir yn y llythyr cynnig grant.
Mae’r cynllun grant hwn yn un dewisol a bydd yn cael ei weithredu ar sail y cyntaf i’r felin, yn dibynnu ar argaeledd y cyllid a chwblhau’r prosiect o fewn y cyfnod penodedig.
Bydd y grant yn cau i geisiadau pan fydd yr holl gyllid wedi’i ddyrannu neu pan fydd dim amser ar ôl i brosiectau gael eu cwblhau cyn dyddiad cau’r rhaglen.
Bydd ceisiadau’n cael eu cyflwyno drwy’r ffurflen ar-lein. Ynghyd â’r ffurflen gais, bydd angen darparu nifer o ddogfennau ategol a gwybodaeth berthnasol.
Darllenwch y ddogfen ganllaw yn llawn er mwyn sicrhau bod yr holl wybodaeth a’r dogfennau gofynnol wedi’u cynnwys cyn cyflwyno’r cais.
Gwybodaeth Ategol
Ni fydd ceisiadau yn cael eu hystyried wedi’u cyflwyno’n llawn hyd nes bydd yr holl wybodaeth ofynnol wedi’i derbyn.
Gofynnwn i chi siarad ag aelod o’r Tîm Cymorth Busnes cyn cyflwyno unrhyw gais. I drefnu i siarad ag aelod o’r tîm, anfonwch e-bost at business@conwy.gov.uk.